21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 00:02
Жамият 👁 7,353

25 октябрь – Ички ишлар идоралари ходимлари куни

Телевидение орқали, интернет сайтларида она сайёрамизнинг турли ҳудудларида  содир бўлаётган оммавий тартибсизликлар, қирғинбарот урушлар, бунинг натижасида оддий халқнинг чекаётган жабру ситамлари ҳақидаги лавҳаларни кўрганимизда ҳар гал кўнглимиз бир қалқиб тушади, атрофимизда беғам, беташвиш юрган фарзандларимизни кўриб, юрагимиз таскин топади ва  илоҳо, тинчлигимиз адабий бўлгай, дея тилак тилаймиз.

Тинчлик, осойишталик! Чиндан-да бу улуғ неъматлар, эришаётган жамики ютуқларимиз, ҳаётимиз фаровонлиги асоси эканлигини доим ҳам ҳис қиламиз, унинг барқарор бўлмоғи учун ўз ҳузур-ҳаловатидан кечиб, хизмат бурчини сидқидилдан адо этаётган инсонларнинг меҳнатини доим ҳам эътироф этамиз. Уларнинг сафида ички ишлар идоралари ходимлари ҳам бор.

Ҳа, халқимизнинг тинч ва фаровон ҳаёт кечиришини таъминлашда, жиноятчилик ва бошқа ҳуқуқбузарликларга қарши курашишда, жамоат тартибини сақлашда ички ишлар идоралари ходимларининг хизматлари алоҳидадир.

Мустақиллик йилларида барча соҳаларда бўлгани каби ички ишлар идораларида ҳам чуқур ислоҳотлар олиб борилди. Натижада ўтган давр мобайнида жиноятлар ва бошқа ҳуқуқбузарликларнинг олдини олиш ва профилактикаси, жамоат тартибини сақлаш ва аҳоли хавфсизлигини таъминлаш, фуқароларнинг ҳуқуқлари, эркинликлари, қонуний манфаатларини ҳимоя қилиш борасида кўпгина ютуқларга эришилди. Ички ишлар органлари фаолиятининг асосий соҳаларини ҳуқуқий жиҳатдан тартибга солишга йўналтирилган "Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”, "Тезкор-қидирув фаолияти тўғрисида”, "Ҳуқуқбузарликлар профилактикаси тўғрисида”ги қонунлар қабул қилиниб, ижроси таъминланмоқда.

Эришилаётган натижалар самараси сифатида мамлакатимиз халқаро экспертлар томонидан дунёдаги энг тинч-осойишта мамлакат, қонун устуворлиги таъминланган мамлакат сифатида олдинги ўринларда эътироф этилмоқда.

Ички ишлар органлари фаолиятининг ҳуқуқий асосларини мустаҳкамлаш, уларнинг вазифалари, ҳуқуқлари ва мажбуриятларини қонун даражасида белгилаш, ички ишлар органлари ходимларини ижтимоий ҳимоя қилишни янада кучайтириш мақсадида 2016 йилнинг сентябрь ойида "Ички ишлар органлари тўғрисида” Қонун қабул қилинди.

Туман ички ишлар бўлимида ҳам қонун ижросини таъминлаш борасида олиб бораётган саъй-ҳаракатларда муҳтарам Юртбошимиз Ш.Мирзиёевнинг "Одамлар ички ишлар органининг ҳар бир ходимида ўз ҳимоячисини кўриши керак”, деган сўзларининг амалий ижросини  таъминлашга сидқидилдан ҳаракат қилмоқдалар. Янги қонунга кўра, туман ички ишлар бўлими бошлиғининг ёшлар масалалари бўйича ўринбосари тайинланди. Ички ишлар бўлими ходимларининг аҳоли ва ўзини ўзи бошқариш идоралари билан ҳамкорлиги мустаҳкамланди. Бўлим замонавий услубда таъмирланган, барча талабларга жавоб берадиган, жисмоний  чиниқиш ва ўқув машғулотлари олиб бориш имкониятига эга бинога кўчиб ўтганлиги иш сифатини тубдан яхшилаш имконини берди.

Айни кунда бўлим шахсий таркибида 156 нафар ходимлар туманимиз аҳолисининг тинч-осойишталигини ишончли ҳимоя қилишмоқда. Жиноятчиликнинг олдини олиш мақсадида "Тунги хизмат” ташкил этилган бўлиб, унга ИИБ ходимларидан ташқари жамоат ташкилотлари вакиллари ҳам жалб қилинмоқда.


Ҳафтанинг ҳар пайшанба куни "Профилактика куни” самарали ташкил этилмоқда. Натижада 2017 йилнинг биринчи ярим йиллигида умумий жиноятчилик ўтган йилнинг шу даврига нисбатан 2 тага камайган. Ўта оғир турдаги жиноятлар тенглиги сақланган.

Шунингдек, аёллар томонидан жиноятлар содир этиш 20 тадан 7 тага, маст ҳолда жиноят содир этиш 3 тадан 2 тага, гуруҳлар таркибида содир этилган жиноят 9 тадан 8 тага, вояга етмаганлар томонидан содир этилган жиноят 4 тадан 2 тага камайишига эришилди.

Олдинлари ички ишлар бўлими ходимлари фаолияти асосан содир бўлган жиноятларнинг оқибатларига қарши курашишдан, жиноятга жазо муқаррарлигини таъминлашдан иборат бўлган бўлса, бугунги кунда бу вазифалар қаторига бу жиноятларни ва қонунбузилиш ҳолатларини чуқур таҳлил қилиб бориш, аниқлаш ва шу асосда уларнинг содир бўлишига имкон бераётган ҳолатларни бартараф этиш каби муҳим чораларни кўриш ҳам юкланди. Бу ўз навбатида жиноятчиликнинг камайишига замин яратади, албатта.

Халқимизнинг тинч-осойишталигини таъминлашда профилактика инспекторларининг фидойилиги, ўз хизмат вазифасига виждонан ёндошиши муҳим аҳамият касб этади.

Мамлакатимиз Президентининг 2017 йил 20 апрелдаги "Ички ишлар органлари таянч пунктларининг  профилактика инспекторларини хизмат уй-жойи билан таъминлашга доир қўшимча чора-тадбирлар тўғрисида”ги 2906-сонли Қарори айнан бу борадаги аҳволни янада яхшилашни, шу мақсадда профилактика инспекторларини ўзлари хизмат қилаётган ҳудуддан хизмат уй-жойлари билан таъминлашни назарда тутган.

Мустақиллигимизнинг 26 йиллиги  арафасида Қарорга мувофиқ туман ички ишлар бўлимида хизмат қилаётган 28 нафар профилактика инспекторларига уй-жой қуриш учун ер майдони ажратиш ҳақидаги туман ҳокимининг қарори қабул қилинди, 5 нафарига эса бўш турган иморатлар мукаммал таъмирланиб, фойдаланиш учун топширилди. Барча профилактика инспекторлари имтиёзли кредит асосида хизмат автомашинаси билан таъминланмоқда.

Профилактика инспекторлари зиммаларига қўйилаётган улуғвор вазифаларга монанд меҳнат қилаётган ходимлар шахсий ташаббуси билан олиб борган саъй-ҳаракатлар натижасида жорий йилнинг биринчи ярмида 32 та оилага турли даражада моддий кўмаклар кўрсатилган, 31 нафар фуқаро доимий иш билан таъминланган, 16 нафар фуқаро кам таъминланганлар рўйхатидан чиқарилган, шунингдек, улар жиноятчиликнинг олдини олишга қаратилган қатор тадбирларда фаол иштирок этишмоқда.

ИИБ  Миграция ва фуқароликни расмийлаштириш бўлими ходимлари 2011 йил 5 январь кунги "Ўзбекистон Республикасида паспорт тизимини такомиллаштиришга доир қўшимча чора-тадбирлар тўғрисида”ги мамлакатимиз Биринчи Президентининг 4262-сонли Фармонига кўра, фуқароларга янги биометрик паспорт бериш мақсадида фаол фаолият олиб бормоқдалар.

Жорий йилнинг ўтган 9 ойи давомида 93583 нафар фуқароларнинг маълумотлари қабул қилиниб, Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази томонидан ёзилган 93329 нафар фуқароларнинг янги биометрик паспортлари расмийлаштириб берилди.

Шунингдек, бўлим ходимлари томонидан 6798 нафар, профилактика инспекторлари томонидан 14799 нафар фуқароларнинг паспорт режимига амал қилиши назорат қилинди ва 340 нафар фуқароларнинг ҳақиқий бўлмаган паспорт билан яшаётгани аниқланиб, тегишли чоралар кўрилди.

Фуқаролик паспортларини турли сабабларга кўра йўқотган 241 нафар фуқароларнинг аризалари ўз вақтида кўриб чиқилиб, улардан жарималар ундирилди.

Тинч-осойишталикни таъминлашда, жамоат тартибини сақлашда қўриқлаш бўлими алоҳида ўринга эга. Боиси туман бўйича қўриққа олинган давлат муассасалари, тижорат банклари, маҳкама объектлари ва фуқаролар хонадонларида, жами 79 та объектларда ўғирлик ва жиноятларнинг, тартиббузилишларининг олдини олишда бўлим ходимлари ўз вазифасини сергаклик билан адо этиб келмоқдалар. Натижада йилимизнинг ўтган даврида мазкур объектларда нохуш ҳодиса қайд этилмади. Бу бўлим ходимларига бўлган ишончнинг ортишига сабаб бўлаётир. Фикримизнинг исботи сифатида қўриқлаш учун топширилаётган объектлар сонининг йил сайин кўпайиб бораётганини келтиришимиз мумкин.

Бўлим шахсий таркибининг хизмат жанговор тайёрлигини ошириш, пост хизмат ҳужжатларининг сифатли юртилишини ва қўриқдаги объектларнинг ишончли қўриқланишини таъминлаш, техник мустаҳкамлигини ошириш, қўриқлаш сифатини оширишга доимий эътибор қаратилмоқда.

Бўлим ходимлари туман ИИБ томонидан ташкиллаштирилаётган жамоат тартибини сақлаш, фуқаролар хавфсизлигини таъминлаш, жиноятчиликка қарши курашиш борасидаги тадбирларда фаол қатнашиб, алоҳида иқтидорларини намоён этмоқда.

Мустақиллик йилларда мамлакатимизда изчил амалга оширилган комплекс чора-тадбирлар натижасида аҳоли ҳаёти ва соғлиғи, давлат мулки, жисмоний ва юридик шахслар мулкининг ишончли ҳимоясини таъминлайдиган яхлит ёнғин хавфсизлиги тизими яратилди.

Ўзбекистон Республикаси Президентининг 2017 йил 23 май куни қабул қилган "Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида”ги Қарори бу борадаги саъй-ҳаракатларни янги сифат босқичига кўтарди. Қарорга мувофиқ, ёнғин хавфсизлигини барча даражада таъминлаш мақсадида давлат ва хўжалик бошқаруви органлари, шунингдек, жойлардаги давлат ҳокимияти органлари, корхона, ташкилотлар раҳбарлари зиммасига уларга қарашли объектлар ва ҳудудларда ёнғин хавфсизлиги қоидаларига амал қилиш бўйича шахсий жавобгарлик белгиланиб, ҳафтанинг ҳар чоршанба куни "Ёнғин профилактикаси куни” деб белгиланди.

Қарорда белгиланган кенг миқёсли вазифаларни оғишмай амалга ошириб келаётган туман ички ишлар бўлими ёнғин хавфсизлиги бўлинмаси ходимларининг ҳам фаолияти самарали бўлаётир.

Уларнинг тилсиз ёв – ёнғин содир бўлишининг олдини олишга қаратилаётган тарғибот-ташвиқотлари натижасида бунингдек кўнгилсиз ҳодисалар тобора камайишига эришилмоқда.

Аслини олганда, тинч-осойишта беташвиш ўтаётган кунларимизнинг қадр-қимматини ҳеч нарса билан ўлчаб бўлмайди. Ана шундай буюк бахт юртимизда ҳукмрон бўлмоғи, бизнинг хотиржам ва фаровон турмуш кечиришимиз йўлида меҳнат қилаётган ички ишлар идоралари ходимлари ҳар қанча эъзозу эҳтиромларга лойиқдир.

Мамлакатимиз бўйлаб 25 октябрь – ички ишлар идоралари ходимлари куни улкан тантана  қилиниши ҳам бежиз эмас.

25 октябрь куни туман ички ишлар бўлимида ҳам мазкур сана кенг нишонланди. Байрам муносабати билан ўтказилган тантанага соҳа ходимлари, фахрийлари, туман ҳокимлиги вакиллари ва жамоат ташкилотлари раҳбарлари ташриф буюрдилар. Туманимиз ҳокими Султонбой Йўлдошев тинчлигимиз посбонларини касб байрами билан муборакбод этди. Тантанада ўз хизмат бурчини шараф билан адо этаётган ходимларга байрам совғалари топширилди. Самимий қутловлар, дил изҳорлари концерт дастурига уланиб кетди.

                                                         Ойгул РАЖАБОВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026