ЮРТИМИЗГА КЎЗ ТЕГМАСИН!
Биз айни пайтда ҳамиша тинчлик ҳукмрон бўлган обод ва фаровон бир юртда яшаётганимиздан, Ўзбекистон фуқароси эканлигимиздан ҳақли равишда фахрланамиз. Чунки бизнинг мамлакатимизда эъзозланмайдиган инсоннинг ўзи йўқ. Ёшлар бола, ука, сингил сифатида қадрланса, катта ёшдаги кишилар ака, опа, ота, она, бобо, буви ва момо сифатида эъзозланади.
Мамлакатимизда фуқароларнинг ижтимоий таъминот олиш ҳуқуқи кафолатланганлигининг ўзиёқ бизда инсонларнинг давлатимиз томонидан ҳам нечоғлик қадрланиши яққол кўриниб турибди.
Асосий Қонунимиз ҳисобланган Конституциямизнинг 39-моддасида: "Ҳар ким кексайганда, меҳнат лаёқатини йўқотганда, шунингдек боқувчисидан маҳрум бўлганда ва Қонунда назарда тутилган бошқа ҳолларда ижтимоий таъминот олиш ҳуқуқига эга” эканлиги кўрсатилган.
Бизнинг давлатимиз томонидан олиб борилаётган ислоҳотларнинг барчаси моҳиятан фуқароларимизнинг турмуш даражасини яхшилашга қаратилган.
Мен пенсия ёшига етгунимга қадар туманимиздаги 9-сонли умумтаълим мактабида ўқитувчи бўлиб ишладим. Халқ таълими соҳасидаги кўп йиллик меҳнатларим натижалари – шогирдларим камолини кўрсам, шу юртга муносиб фарзандларни тарбиялашга ҳисса қўшганимдан чексиз фахрланаман.
Юқорида фикр қилганимдек, биз кексалар ҳамиша давлатимиз ҳимоясидамиз, эл-юрт ардоғидамиз. Биз учун бундан ортиқ бахт борми? Шу боисдан ҳам биз ҳар куни тинч, озод ва обод юртимизга ҳеч қачон кўз тегмасин, дея дуо қиламиз. Бизнинг чин кўнгилдан қилган дуоларимиз албатта ижобат бўлади.
Исмоил ЮСУПОВ,
фахрий ўқитувчи, "Қизилчоли” маҳалласи.
(Фото - http://muxlis.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
