БЎШ ИШ ЎРИНЛАРИНИ ЯШИРИШ ҲУҚУҚБУЗАРЛИКДИР
Ҳозирги кунда юртимизда янгидан янги бўш иш ўринлари яратилиб, фуқароларнинг иш билан бандлик даражаси ошмоқда. Бўш иш ўринларини халққа таништиришда маҳаллий Бандликка кўмаклашиш марказларининг ўрни катта. Бу борада маҳаллий меҳнат органлари аҳолини иш билан таъминлаш соҳасидаги давлат сиёсатининг бир нечта принципларига асосланади.
Корхона ва ташкилотларнинг аҳолини иш билан таъминлаш соҳасидаги давлат сиёсатини амалга оширишдаги иштироки ҳам катта аҳамиятга эга.
Корхона ва ташкилотлар иш билан таъминлаш соҳасидаги давлат сиёсатини амалга оширишга меҳнатга оид муносабатларни тартибга солувчи шартнома ва келишувлар шартларини бажариши, бўш иш жойлари (вакант лавозимлар) бор-йўқлиги тўғрисидаги маълумотларни олдиндан (камида икки ой олдин) маҳаллий меҳнат органига мўлжалланаётган ишдан озод қилишлар тўғрисидаги ахборотларни бўшаб қоладиган ҳар бир ходимни кўрсатган ҳолда тақдим этиш, бўш иш жойлари бор-йўқлиги тўғрисидаги маълумотларни ҳамда ходимларнинг ишдан озод қилиниши тўғрисидаги ахборотларни тақдим этиши билан кўмаклашадилар.
Туман Бандликка кўмаклашиш маркази томонидан жорий йилнинг 10 ойи давомида тумандаги 20 та корхона ва ташкилотларда меҳнат қонунчилигига риоя қилиниши юзасидан текширишлар ўтказилди. Натижада 80 та ҳолатда қонун бузилишлар аниқланди. Қонунбузилишларга йўл қўйган 15 нафар мансабдор шахсларга Ўзбекистон Республикаси Маъмурий жавобгарлик тўғрисида”ги Кодексининг 49-моддасига асосан 4,2 млн. сўмлик жарималар солинди. Бўш иш жойлари (вакант лавозимлар) бор-йўқлиги тўғрисидаги маълумотларни топширмаган 9 нафар мансабдор шахсга 3,8 млн. сўм жарима солинди. Корхона ва ташкилотлар раҳбарлари шуни билишлари лозимки, бўш иш жойлари (вакант лавозимлар) бор-йўқлиги тўғрисидаги маълумотларни ҳар ойнинг 5 санасигача топширишлари зарур. Бўш иш ўринлари (вакант лавозимлар) бор-йўқлиги тўғрисидаги маълумотларни ҳар ойнинг 5 санасигача топширмаган мансабдор шахсларга "Маъмурий жавобгарлик тўғрисида”ги кодекснинг 229-моддасига биноан, бўш иш жойлари (бўш лавозимлар)ни яшириш, бўшатиб олиниши кутилаётган ходимлар тўғрисидаги маълумотларни ўз вақтида бермаслик, давлат жамғармасига ажратмаларни тўлашдан бўйин товлаш энг кам иш ҳақининг уч бараваридан беш бараваригача миқдорда жарима солишга сабаб бўлади.
Бундай ҳолатни такрор содир этган мансабдор шахсга жиноий жавобгарлик белгиланади.
Халқимизни ишсизликдан ишончли ҳимоя қилишга, янги иш ўринлари яратишга ва бўшаган вакант лавозимлар ҳақида хабардорлиги таъминланишига ҳисса қўшиш бугунги куннинг энг долзарб вазифаларидандир.
А.ХЎЖАМУРОДОВ,
туман Бандликка кўмаклашиш маркази директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
