МАҚСАДИМИЗ – ҚУЛАЙ ТАДБИРКОРЛИК МУҲИТИНИ ЯРАТИШ
"Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида”ги Ўзбекистон Республикаси Президентининг 2015 йил 15 майдаги ПФ-4725-сонли Фармони мазмун-моҳиятини тушунтириш мақсадида туман Давлат Солиқ инспекцияси ходимлари семинарлар, йиғилишлар шунингдек, ҳар ҳафтанинг жума кунлари инспекциянинг фаоллар залида тадбиркорлар билан учрашувлар ташкил қилишмоқда.
Ўтказилаётган учрашувларда Республика иқтисодиётида хусусий мулкнинг ўрни ва ролини тубдан кенгайтириш, хусусий мулк ва хусусий тадбиркорликни ривожлантириш йўлидаги тўсиқ ва чекловларни бартараф этиш борасидаги ҳаракатлар, ялпи ички маҳсулотда хусусий мулк улушини изчил ошириш йўл-йўриқлари ва тадбиркорларга яратилаётган имкониятлар кенг тарғиб қилинмоқда.
Тадбиркорларнинг вақтини тежаш ва қулайликлар яратиб бериш мақсадида "Ягона дарча” маркази ташкил қилинди ва тадбиркорлар бир вақтнинг ўзида барча ҳужжатлаштириш ишларини, яъни давлат рўйхатидан ўтиш, алкоголь маҳсулотлари учун лицензия олиш учун қулайликлар яратилди. Туман Давлат солиқ инспекцияси томонидан 2016 йил учун белгиланган бюджет параметрлари, солиқ ставкалари, солиқ солиш тартиби ҳамда солиқ тўлаш муддатлари тўғрисида тушунтириш ишлари амалга оширилмоқда.
Фармонда 2015 йилнинг 1 июлидан микрофирмалар, кичик корхоналар ва фермер хўжаликлари фаолиятига оид барча текширувлар режали тартибда назорат органлари томонидан тўрт йилда бир мартадан, бошқа хўжалик субъектларида эса фақат Ўзбекистон Республикаси Назорат қилувчи органлар фаолиятини мувофиқлаштирувчи республика кенгаши қарорига асосан уч йилда бир мартадан кўп бўлмаган тартибда амалга оширилиши белгиланган.
Тадбиркорлик субъектлари текширувларига келгуси йил учун шу йилнинг октябрь-ноябрь ойларида Ўзбекистон Республикаси Назорат қилувчи органлар фаолиятини мувофиқлаштирувчи республика кенгашига текшириш режасига кирувчи корхоналар реестрлари тақдим қилинади. Мазкур Фармон кучга киргандан сўнг туманда фаолият кўрсатиб келаётган корхоналарни 2016 йил учун режали текширишга қўйилиши белгиланган тартибда Ўзбекистон Республикаси Назорат қилувчи органлар фаолиятини мувофиқлаштирувчи республика кенгашига охирги ўтказилган текширишга уч йилдан ошган корхона, ташкилотлар тавсия қилинди.
Бизнинг бу саъй-ҳаракатларимиздан мақсадимиз туманимизда тадбиркорликнинг ривожланишига ҳисса қўшишга қаратилгандир.
Ғуломжон ЮСУПОВ,
туман ДСИ бош инспектори.
(Фото - http://uchquduq-gazeta.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
