Истиқлол мадҳи

Элим

Кўнгил бўстонининг кўшкига чиқиб,

Аму тонгларини куйлайман тўлиб.

Ғаним бўҳтонларин хилватга тиқиб,

Истиқбол иқболин жамлайман елиб.

Ҳув ана, кўринган дугоналарим,

Қишлоқнинг бағрини тўлдириб турар.

Амударё элимнинг дурдоналарин,

Йилдан-йил ошириб, дўндириб борар,

Ҳар бири  элимнинг зийнати бўлиб,

Меҳнатдан яралган ҳалол бойлиги.

Қоратов, Жумуртов хазинага бой,

Меҳнаткаш элим тур тутиб бийлиги.

Элимнинг кўркини мақтаб, қувониб,

Кенг, текис йўлларда югургим келар.

Шодлигим ҳовучлаб бутун дунёга

Улашиб, дардларин супургим келар.

Мовий осмонида қуш бўлиб учган

Қалбим қўшиғига қулоғим тутдим.

Дук-дук, дук-дук дея, бонг уриб турган

Чорловни ҳис этиб, шу шеърни битдим.

Зулфия ОЛЛАЁРОВА.

Истиқлолим

Истиқлолим - бахтим менинг,

Нурли йўлим, омадим.

Неча йиллик армонларим,

Ушалган орзуларим.

Истиқлолим - ҳуқуқимсан,

Қонунларда битилган.

Неча модда ва бўлимда,

Такрор-такрор ёзилган.

Эрким, шаъним, номусим,

Фарзандларим бахтисан.

Она-бола тақдирлари,

Ўғил-қизим тахтисан.

Истиқлолим – эрким менинг,

Ҳумо қуши чарх урган.

Ер юзига тинчлик сўзин,

Ёймоққа тайёр турган.

Зуҳра АҲМЕДОВА,

"Жайхун илҳомлари”

ННТ аъзоси.

Ватан соғинчи

Ўзим сенга даста-даста гул тутай,

Дардларингни олиб сен-чун дард чекай.

Соғинчларда қолсам ахир мен нетай,

Нечун бунча соғинтирдинг, эй Ватан.

Сендан бошқа ҳеч нарса йўқ улуғроқ,

Боғларингда ҳушовоз қушинг сайроқ.

Ўзинг улуғ, ўзинг суюк, азизроқ,

Нечун бунча соғинтирдинг, эй Ватан.

Бағрин очиб, қаршилаган тонгларинг,

Гул узатиб, эркалаган онларинг.

Юрагимнинг сен деб урган бонгларин

Нечун бунча соғинтирдинг, эй Ватан.

Кўрмадингми, эрка қизинг сени деб,

Ҳар бир гиёҳ, тиканзоринг қучганин.

Кўксимдаги гулларни сенга сочиб

Интиламан, соғинтирма, эй Ватан.

Динора КАРИМБОЕВА.

ТАЪРИФ БЕРСАМ ОЗ...

Ватаним, гўзалсан, нечоғлик бугун,

Гўзалсан барчадан, барча Ватандан.

Ўзгача бўлмоқда ҳар қарич еринг,

Муқаддас ва азиз Ватаним менинг!

Ҳатто чўлларинг ҳам бўлди, чаманзор,

Мақташга арзирли даҳоларинг бор.

Тилларда достондир "ўзбек” деган ном,

Аҳли олам бугун юртимга меҳмон.

Мустақиллик қилар кўкларда парвоз,

Тинч-тотув кўнгиллар меҳрибон, ҳамроз.

Истиқлол мангу бўл, Ватан, омон бўл,

Юртим, сенга қанча таъриф берсам оз!

Ирода

ЕРДОШЕВА,

38-сонли мактаб ўқувчиси.

ВАТАН

Ватан – томирдаги қондек муқаддас,

Онажоним каби бағри кенг, азиз.

Шу юртга меҳримиз асло тугамас,

Номинг улуғлайди ҳар бир ўғил-қиз.

"Ҳеч кимга бермаймиз сени”, эй Ватан,

Юраклар тўрида яшайсан мангу.

Сенга фидо бўлсин ширин жон-у тан.

Байроғ-у туғингга содиқмиз мангу.

Чинорой ЎРИНБОЕВА.