Пенсионерлар уюшмаси – пенсионерлар манфаатларини ҳимоя қилади
Маълумки, 2015 йилнинг ноябрь ойида Ўзбекистон Республикаси Пенсионерлар уюшмасининг таъсис Қурултойи ўтказилиб, унда Уюшманинг Низоми тасдиқланиб, раҳбар органлари сайланган, 2016 йилнинг 26 февралида Уюшма Ўзбекистон Республикаси Адлия вазирлиги томонидан рўйхатдан ўтказилган эди.
Юқоридагиларга асосланиб, жорий йилнинг апрель ойида мазкур Уюшманинг Қорақалпоғистон Республикаси бўлими ҳам ўз фаолиятини бошлади. Бугунги кунда Қорақалпоғистон Республикасининг Нукус шаҳри ва барча туманларида Уюшманинг бўлинмалари ташкил қилинмоқда.
Кекса авлоднинг ижтимоий-иқтисодий, маънавий ҳуқуқ ва манфаатларини ҳимоя қилиш, маҳаллалар ва оилаларда тинч-тотувлик, осойишталик, соғлом муҳитнинг барқарор бўлишини таъминлаш, ёрдамга муҳтож кексаларга ижтимоий кўмаклашиш, пенсионерларнинг соғлигини тиклаши, даволаниши, мазмунли дам олишини ташкил этиш, ёшларни Ватанга муҳаббат, миллий қадриятларимизга ҳурмат руҳида тарбиялашга ҳисса қўшишни ўз олдига мақсад қилиб қўйган Уюшма Низомига мувофиқ 2016 йилнинг 18 июнь куни Ўзбекистон Республикаси Пенсионерлар Уюшмаси туман бўлинмаси ташкил қилиниб, бўлинма Низоми тасдиқланди ва Бахтиёр Йўлдошев бўлинма раиси этиб сайланди.
Пенсионерларни ҳар томонлама қўллаб-қувватлаш, оилаларда тинчлик-хотиржамлик муҳитини шакллантириш, пенсионерларнинг ижтимоий фаоллигини ошириш, юқорида таъкидлаганимиздай, уларнинг турмуш тарзини замонага муносиб ўзгаришлар билан бойитиш каби кўплаб вазифаларни бажаришни ўз зиммасига олган Ўзбекистон Республикаси Пенсионерлар Уюшмаси туман бўлинмаси ижтимоий фаол пенсионерларнинг севимли ташкилотига айланиши шубҳасиз.
М.ШОМУРОДОВ олган сурат.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
