УСТУВОР ВАЗИФАЛАР МУҲОКАМАСИ
2015 йил 30 октябрь куни туман ҳокимлигида "2015 йилнинг 9 ойида туманни ижтимоий-иқтисодий ривожлантириш якунлари ва 2015 йилги иқтисодий дастурининг энг муҳим устувор вазифаларини амалга оширилишини сўзсиз таъминлаш чора-тадбирлар тўғрисида”ги масала бўйича йиғилиш бўлиб ўтди.
Йиғилишда ҳоким ўринбосарлари ва ҳокимлик масъул ходимлари, бўлимлар, муассаса, корхона ва ташкилотлар раҳбарлари, фуқаролар йиғинлари раислари, таълим муассасалари раҳбарлари ва оммавий ахборот воситалари вакиллари иштирок этдилар.
Йиғилишни туман ҳокимининг биринчи ўринбосари Б.Эрназаров очди ва олиб борди.
Йиғилиш кун тартибида "2015 йилда саноат маҳсулотлари ишлаб чиқариш прогноз параметрларининг сўзсиз бажарилишини таъминлаш, шунингдек 2016 йилда иқтисодиёт тармоқларини барқарор ривожлантириш учун мустаҳкам замин яратиш бўйича қўшимча чора тадбирлар, экспорт прогноз параметрларининг бажарилишини сўзсиз таъминлаш, экспортни кўпайтиришнинг мавжуд резервларини юқори даражада сафарбар қилиш ва мева-сабзавот маҳсулотлари ва картошкани қишга ғамлаш тўғрисида”ги ҳамда "2015 йилда ишга тушириладиган энг муҳим объектларнинг сўзсиз фойдаланишга топширилишини таъминлаш, муҳандислик-коммуникация ва йўл-транспорт инфратузилмасини ривожлантириш бўйича 2016-2019 йилларда бажарилиши назарда тутилган инвестиция лойиҳаларининг амалга оширилишини бошлашни жадаллаштириш ва тармоқлар ва ҳудудлар раҳбарларининг куз-қиш мавсумига тайёргарлик кўриш бўйича ишларни тугаллаш тўғрисида”ги масалалар кўриб чиқилди.
Кун тартибидаги биринчи масала бўйича туман Иқтисодиёт бўлими бошлиғи А.Юсупов маъруза қилди.
Таъкидланганидек, 2015 йилнинг ўтган даврида, 2014 йилнинг мос даврига нисбатан саноат махсулотлари хажми 101,5 фоизга, халк истеъмоли моллари ишлаб чикариш ҳажми 104,8 фоизга, қишлоқ хўжалиги ялпи маҳсулоти 100,3 фоизга, капитал қўйилмалар ҳажми 100,8 фоизга, пудрат ишлари ҳажми 100,4 фоизга, чакана савдо айланмаси 113,8 фоизга, пуллик хизмат кўрсатиш ҳажми эса 119 фоизга ўсган.
Шунингдек, махаллий бюджет даромадлари 102,4 фоизга, юк ва йўловчи ташиш ҳажми мос равишда 101 ва 100,2 фоизга, экспорт ва импорт ҳажми эса мос равишда 100,1 ва 104,1 фоизга ошган.
Кун тартибидаги иккинчи масала бўйича туман Архитектура бўлими бошлиғи С.Муратов маъруза қилди. Маърузада 2015 йилда ишга тушириладиган энг муҳим объектларнинг сўзсиз фойдаланишга топширилишини таъминлаш, муҳандислик-коммуникация ва йўл-транспорт инфратузилмасини ривожлантириш бўйича 2016-2019 йилларда бажарилиши назарда тутилган инвестиция лойиҳаларининг амалга оширилиши бўйича атрофлича маълумот берилди.
Шунингдек, йиғилиш давомида тармоқлар ва ҳудудлар раҳбарларининг куз-қиш мавсумига тайёргарлик бўйича амалга оширган ишлари муҳокама қилиниб, келгусидаги вазифалар белгилаб олинди.
Йиғилишда Қорақалпоғистон Республикаси
Хусусийлаштириш, монополиядан чиқариш ва рақобатни ривожлантириш қўмитаси раиси
М.Қосназаров иштирок этди ва нутқ сўзлади.
Кун тартибидаги барча масалалар бўйича тегишли қарорлар қабул қилинди ва шунинг билан йиғилиш ўз ишини якунлади.
Туман ҳокимлигининг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
