ЯШИЛ МАЙДОНДА НУРОНИЙЛАР
Халқимизнинг ўзигагина хос шундай ҳаётбахш урф-одатлари, анъаналари ва қадриятлари борки, уларнинг ҳар бирининг ўз мазмун-моҳияти бор. Ота-онани, ўзидан катта ёшдагиларни ҳурмат қилиш, маҳалладошлар билан яхши муносабатда бўлиш, бир бирининг ҳолидан хабар олиб туриш каби урф-одатларимиз туфайли умримиз гўзал ва мазмунлидир. Юқоридагиларни инобатга олган ҳолда, яқинда "Янгиобод” МФЙда жойлашган сунъий қоплама майдонда "Кексаларни эъзозлаш йили” давлат Дастурининг 16-банди ижросини таъминлаш мақсадида "Маҳалла” хайрия жамоат фонди туман бўлинмаси бошқаруви, Маданият ва спорт ишлари бўлими, туман Ички ишлар бўлими, туман Тиббиёт бирлашмаси, туман ХТМФМТТЭ бўлими, "Амударё телевидениеси” МЧЖ ҳамкорлигида кексаларимиз бўш вақтларини мазмунли ўтказиш, уларнинг жисмоний тарбия билан шуғулланиши, ҳордиқ чиқаришини таъминлаш мақсадида "Кексалар завқи” спорт мусобақалари ўтказилди.
Мусобақа низомига мувофиқ туман бўйича сараланган 4 жамоа ўйинларда иштирок этдилар. Булар Манғит шаҳри, Қипчоқ овули, Қиличбой овули ва Қизилчоли маҳалласи жамоаларидир.
Иштирокчи жамоалар спортнинг
футбол ва шахмат турлари бўйича куч синашдилар. Муросасиз ва шиддатли ўтган
учрашувлар натижасига кўра, Қизилчоли маҳалласи 1-ўринни, Қиличбой овули
жамоаси 2-ўринни, Қипчоқ овули ва Манғит шаҳри жамоалари 3-ўринни эгалладилар
ҳамда ҳомий ташкилотларнинг қимматбаҳо эсдалик совғалари билан
тақдирландилар.
Шерзод БЎРОНОВ,
"Маҳалла” хайрия жамоат
фонди туман бўлинмаси мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
