ИСТИҚЛОЛ ҚУЁШИ МАНГУ ПОРЛАСИН!
Азиз юртдошлар!
Халқимиз асрлар оша орзиқиб кутган, ҳаётга бўлган муносабатимизни тубдан ўзгартириб юборган мустақиллигимизнинг 24 йиллигига саноқли кунлар қолаяпти. Ҳеч кимга қарам бўлмасдан, ўз миллий маданиятимиз-маънавиятимизга ва аждодларимиз ақлу закоси маҳсули бўлмиш жамики билимларга таянган ҳолда ўз миллий манфаатларимизни, узоқ ва давомли аниқ мақсадларни кўзлаб, иқтисодиётимизнинг барқарор суръатларда ўсишини таъминлаш, аҳоли турмуш фаровонлигини ошириш борасида шу ўтган тарихан қисқа даврда улуғвор ўзгаришларга, юксалишларга эришилди. Мамлакатимизда, туманимизда ҳаётнинг ҳамма жабҳаларида ҳам туб ислоҳотлар олиб борилди. Юртдошларимизнинг кўнглида ўз эли-юрти равнақи учун фидойилик шаклланди, ўзига бек бўлди, юртимизнинг яна ҳам иқтисодий бақувват, тинч-осойишталиги барқарор бўлмоғи учун ҳар ким ўзини дахлдор ҳис қилмоқда. Агар ўтган 24 йил вақт қадрини амалга оширилган эзгу ишлар билан ўлчайдиган бўлсак, мамлакатимиз иқтисодиёти 5,5 баробардан кўпроқ ўсгани, аҳоли реал даромадлари жон бошига ҳисоблаганда қарийб 9 баробар ошгани, мустақиллик йилларида дунёга келган янги соҳа – кичик бизнес ва хусусий тадбиркорликнинг тобора ривожланиб, бугунги кунда мамлакат ялпи ички маҳсулотининг 56 фоизидан зиёдини ташкил этаётгани, барча соҳаларда ҳам ислоҳотлар олиб борилиб, пировард натижада фуқароларимизнинг турмуш даражаси юксалиб бораётгани асрларга татигуликдир. Энг муҳими, олиб борилаётган барча саъй-ҳаракатлар инсон бахт-саодати учун, унинг озод ва фаровон турмуш кечириши учун хизмат қилмоқда, юртимизда умргузаронлик қилаётган барча миллат, элатлар вакилларининг ўзаро ҳамжиҳатликда аҳил-иноқ яшашига асос бўлмоқда.
Шунинг учун ҳам истиқлол байрами ҳаммамиз учун энг улуғ, энг азиз байрамдир. Шу муносабат билан ўтказилаётган туманимизнинг овул ва маҳалларида, меҳнат жамоаларида "Бетакроримсан, ягонасан, она Ватаним - Ўзбекистоним” деган эзгу ғояни ўзида мужассам этган маданий-маърифий, тарғибот-ташвиқот тадбирлари орқали фуқароларимиз мустақиллигимизнинг қадрини янада теранроқ англамоқда, мустақилликни мустаҳкамлашга ҳисса қўшишга, шу азиз Ватанимизни кўз қорачиғидай асрашга ҳаракат қилмоқда.
Азиз юртдошлар!
Барчангизни қутлуғ сана – энг улуғ, энг азиз байрамимиз – мустақиллигимизнинг 24 йиллиги билан қизғин табриклаймиз. Оилангизга тинчлик-хотиржамлик ёр бўлсин. Шу азиз Ватанимиз осмони узра истиқлол қуёши мангу порлаб турсин!
"Тараққиёт кўзгуси”
газетаси таҳририяти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
