Судьялар ва суд аппарати ходимларининг оила аъзолари учун очиқ эшиклар куни ўтказилди
Суд тизими ходимларининг масъулиятли ва мураккаб фаолиятида оиланинг қўллаб-қувватлаши муҳим аҳамиятга эга эканлиги ҳеч кимга сир эмас. Айнан шу мақсадда, 2026 йилнинг 25 август куни Жиноят ва Фуқаролик ишлари бўйича Амударё туман судлари биносида тадбир бўлиб ўтди.
Судьялар ва суд аппарати ходимларининг фаровонлиги халқаро куни муносабати билан ташкил этилган мазкур тадбир доирасида тизимда меҳнат қилаётган фидойи ходимларнинг оила аъзолари учун очиқ эшиклар куни ўтказилди.
Учрашув давомида жиноят ишлари бўйича Амударё туман суди раиси Жасурбек Балтабаев ҳамда фуқаролик ишлари бўйича Амударё туман суди раиси Адилбек Сейтназаров меҳмонларни кутиб олиб, уларга суд биноси бўйлаб яқиндан таништирув экскурсиясини ташкил этди.
Ташриф буюрган оила аъзолари судьялар ва суд аппарати ходимларининг кундалик иш фаолияти ҳамда улар учун яратилган шарт-шароитларни ўз кўзлари билан кўриш имконига эга бўлдилар. Бундай эътиборга молик тадбирларнинг ўтказилиши нафақат соҳа ходимларининг руҳиятини кўтариш ва уларнинг оилавий ришталарини янада мустаҳкамлашга, балки суд тизимининг халқ учун қанчалик очиқ ва шаффоф эканлигини кенг жамоатчиликка кўрсатиб беришга хизмат қилади. Оила аъзолари ўз яқинларининг қонун устуворлиги йўлидаги машаққатли меҳнатига бевосита гувоҳ бўлиб, тадбирдан катта таассуротлар билан қайтдилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
