Tahririyatlarimiz – davlat granti sohibi
Joriy yilning iyun oyida Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash Jamoat fondi tomonidan 3 ta nominatsiya boʻyicha davlat granti uchun tanlov eʼlon qilingan edi.
Noyabr oyida mazkur grant tanlovlarining natijalari eʼlon qilindi va 27 noyabr kuni Oʻzbekiston Respublikasi Oliy Majlisi Qonunchilik palatasi binosida oʻtkazilgan yigʻilishda grant tanlovigʻoliblariga sertifikatlar topshirildi.
Tanlov yakuniga koʻra "Taraqqiyot koʻzgusi” va "Mening oilam” gazetalari hamda www.amunews.uz veb-sayti tahririyatlarining loyihalari ham gʻolib, deb topildi.
Fond mablagʻlarini boshqarish boʻyicha Parlament komissiyasining qaroriga koʻra "Taraqqiyot koʻzgusi” gazetasi tahririyatiga "Atrof-muhitni muhofaza qilishga, aholi salomatligini mustahkamlashga va jamiyatda sogʻlom turmush tarzini yuksaltirishga koʻmaklashish” nomli loyiha uchun 14 million soʻm, "Mening oilam” gazetasi tahririyatiga "Yoshlar va yosh oilalarni namunali oilalar tajribasi asosida koʻp asrlik va sinovdan oʻtgan milliy anʼana va qadriyatlar ruhida tarbiyalashga koʻmaklashish” nomli loyiha uchun 14 million soʻm, www.amunews.uz veb-sayti tahririyatiga "Oilaviy biznes, xususiy tadbirkorlik, kasanachilik, xalq hunarmandchiligi va boshqa tadbirkorlik faoliyati turlarini, ayniqsa, qishloq joylarda rivojlantirishga koʻmaklashish” nomli loyiha uchun 14 million soʻm miqdorida davlat granti ajratildi.
Suratda: Fond mablagʻlarini boshqarish boʻyicha Parlament komissiyasi raisi A.Saidov (oʻngda) tahririyatlar bosh muharriri Gʻ.Yeshniyozovga davlat granti sertifikatini topshirmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
