DOʻRMANDA YaNGI TsEX ISh BOShLADI
Bugungi kunda mehnat qilishga yaroqli, ish bilan band boʻlmagan aholi, ayniqsa, xotin-qizlar bandligini taʼminlashga alohida eʼtibor qaratilmoqda. Chunki bandlik – oila farovonligini taʼminlaydi.
Yaqinda Doʻrman ovulida bu borada yana bir xayrli ishga qoʻl urildi. Ovul fuqarosi, chevar Nazokat Abdurahmonovaning OFY binosining boʻsh turgan ikki xonasida tadbirkorlik faoliyatini yoʻlga qoʻyish xususidagi taklifini yigʻin raisi Otamurod Yusupov qoʻllab-quvvatladi va amaliy yordam berib, xonalar tartibga keltirildi.
Hozirgi kunda ushbu foydalanilmay turgan ikki xonada Nazokat Abdurahmonova tikuvchilik tsexi faoliyatini yoʻlga qoʻydi. «Nazokat-Salomat» oilaviy korxonasini tashkil etib, ish boshlagan chevar Nazokat Abdurahmonova «Agrobank» tuman filialidan 12 million sum imtiyozli kredit hisobiga uchta yangi, zamonaviy tikuv mashinasi sotib olib, yana Salomat Ahmedova, Yangiljon Abdurahmonovalarni ham doimiy ish bilan band qildi.
Qoʻli gul chevarlar ayni kunda ovul aholisining buyurtmalarini tez va sifatli bajarib berishmoqda.
Sevara ISMOILOVA.
Suratda: (chapdan) oilaviy korxona rahbari N.Abdurahmonova, hamkasblari S.Ahmedova, Ya.Abdurahmonovalar bilan.
M.Shomurodov olgan surat.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
