IMKONIYaTI ÇEKLANGAN, LEKIN INTILIŞLARI ÇEKSIZ INSONLAR
Atrofimizda şunday insonlar ham borki, ularning harakatlari, intilişlari, nogiron bölsalar-da, amalga oşirayotgan ezgu işlari va hayotda erişayotgan yutuqlarini körib, beixtiyor ularni tört muçasi soğ insonlar bilan soliştiramiz. Axir özlari soğlom, bardam-baquvvat bölaturib, qaysidir moddiy ehtiyojini qondiriş maqsadida davlat va jamoat taşkilotlari idoralariga ijtimoiy yordam sörab, tinimsiz murojaat qiluvçilar kammi? Afsuski, şundaylarning köpçiligi ayrim imkoniyati çeklangan insonlarning qalblarida keçadigan hayotga nisbatan jöşqin tuyğularni idrok eta olmaydilar.
Taqdirini öz qöllari, sabr-matonati bilan yaratayotgan, ezgu intilişlari bilan jamiyatda öz örnini topayotgan bunday insonlar köp.
Ayni paytda Özbekiston Nogironlarlar jamiyati tuman bölinmasining 40 nafardan ziyod aʼzolari bor. Jamiyat aʼzolarining tölaqonli şaxs sifatida şakllanişlari, öz orzu-intilişlarini qobiliyatlarini namoyon etişlari uçun bölinma tomonidan zarur şart-şaroitlar yaratilgan.
– Biz turli loyihalar, grant tanlovlarida faol iştirok etib kelamiz, – deydi Özbekiston Nogironlar jamiyati tuman bölinmasi rahbari Nilufar Xolboyeva. – Bir neça marta Oliy Majlis huzuridagi NNTlar va fuqarolik jamiyatining boşqa institutlarini qöllab-quvvatlaş jamoat fondining grantlarini yutib oldik. Ana şu grant mablağlari asosida jamiyat aʼzolari uçun qulay şaroitlar yaratilişini taʼminladik.
Grant mablağlari hisobidan imkoniyati çeklangan, bilim olişga, kasb-hunar örganişga intiluvçan fuqarolar va yoşlar uçun kompyuter, öquv jihozlari, zarur uskunalar sotib olinib, N.Xolboyeva rahbarligida “Öquv-tikuv va töqiş markazi” taşkil etildi. Markazda imkoniyati çeklangan fuqarolarni maʼnaviy-maʼrifiy jihatdan qöllab-quvvatlaş maqsadi-da salkam 1000 ga yaqin kitob jamğarmasiga ega maʼnaviyat maskani – kutubxona faoliyati yölga qöyildi. Bundan taşqari, qizlarga milliy anʼana va qadriyatlarimizni özida mujassam etgan körpa-körpaça qaviş, bezakli yostiq jildlarini tikiş, erkak va ayollar, bolalar ustki kiyim-keçaklarini biçiş-tikiş sirlari örgatilmoqda. Kutubxonada esa imkoniyati çeklangan bolajonlarga ertaklar, ibratli hikoyalar öqib beriş yölga qöyilgan bölib, ösmir yoşdagi bolalar ertak qahramonlarining suratlarini çizişadi, qöğirçoqlar yasaşadi. Ertak qahramonlari iştirokida sahna körinişlarini namoyiş etişadi.
“Öquv-tikuv va töqiş markazi”ning aʼzolari juda faol. Ular bu yerda nafaqat kasb-kor örganişadi, balki öz orzularini amalga oşiriş maqsadida tinimsiz öqib-izlanişadi.
Ayni paytda jamiyat aʼzolaridan R.Gulmirzayev QDUning 3-bosqiçida, Yu.Karimova hamda X.Erimmetovalar NDPIning 2-bosqiçida tahsil olişmoqda.
2020-2021 öquv yilida esa I.Hayitboyeva QDU talabasi böldi.
Markazda yaratilgan şaroitlardan unumli foydalanayotgan yoşlar özlarini imkoniyati çeklangan, deb emas, balki jamiyatning ongli, faol aʼzolari deb hisoblaşlari uçun har bir kundan, daqiqalardan unumli foydalanişga harakat qilişadi. Turli bayram sanalarida ularning davrasi yanada kengayadi. Har bir qalbda Vatanga daxldorlik tuyğulari jöş uradi, yaratuvçanlik hissi uyğonadi.
Darvoqe, bugungi kunda tumanimizning ijtimoiy-iqtisodiy, maʼnaviy hamda madaniy hayotida öz örnini topib, xalq farovonligi yölidagi islohotlarda faol iştirok etişga intilayotgan bu insonlarning barçasi bizning eng yaqin hamkorlarimiz, farzandlarimiz, döst-u birodarimizdir. Ular hayotga jöşqin nazar bilan boqib, doimo oldinga intilib yaşovçi aziz eldoşlarimiz.
Robiya YÖLDOŞEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
