AMUDARYoLIK YoSh GIMNASTIKAChI QIZ OLTIN MEDAL SOHIBASI BOʻLDI
Muhtaram Prezidentimizning yoshlar maʼnaviyatini yuksaltirish va boʻsh vaqtlarini mazmunli tashkil etish yuzasidan ilgari surgan 5 ta muhim tashabbusi ijrosini taʼminlash borasida keng koʻlamli ishlar qilinmoqda. Xususan, yoshlarning jismoniy tarbiya va sportga boʻlgan qiziqishlarini yanada oshirish maqsadida turli sport musobaqalari tashkil qilinib, kelajak egalari sport bilan shugʻullanishga keng jalb etilmoqda.
Tumanimizda ham jismoniy tarbiya va sport bilan shugʻullanishni keng targʻib qilishga alohida eʼtibor qaratilmoqda. Koʻplab sportchi yigit-qizlarimiz qator sport musobaqalarida faol ishtirok etib, faxrli oʻrinlarni qoʻlga kiritib kelmoqdalar.
Joriy yilda Toshkent shahri Mirzo Ulugʻbek tumanida “Oltin barglar” sport musobaqalarining Oʻzbekiston ochiq turniri musobaqalari tashkil etildi. Ushbu turnirda barcha viloyat va tumanlardan 200 nafardan ortiq sportchilar, shu jumladan, tumanimiz sportchilari ham ishtirok etdilar. Tashkil etilgan musobaqaga Oʻzbekiston Yoshlar ishlari agentligi tuman boʻlimi qoshidagi Badiiy gimnastika toʻgaragi aʼzosi, Xalq taʼlimi boʻlimiga qarashli 82-sonli maktab oʻquvchisi Zuhra Jumaboyeva faol ishtirok etib, 2011-yilda tugʻilgan qizlar oʻrtasida oʻtkazilgan badiiy gimnastika musobaqasida faxrli 1-oʻrinni egalladi hamda oltin medalni qoʻlga kiritdi.
Bu kabi yutuqlar tumanimiz yoshlarining sportga boʻlgan qiziqishlarining yuqori darajada ekanligi hamda ustozlari oʻrgatgan bilimlarni puxta egallagan holda qilgan mashaqqatli mehnati samarasidir. Zuhra Jumaboyevani gʻoliblik bilan samimiy tabriklaymiz, kelgusida bundan ham ulkan marralarni egallashiga tilakdoshmiz.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
