АМУДАРЁЛИК ЁШ ГИМНАСТИКАЧИ ҚИЗ ОЛТИН МЕДАЛ СОҲИБАСИ БЎЛДИ
Муҳтарам Президентимизнинг ёшлар маънавиятини юксалтириш ва бўш вақтларини мазмунли ташкил этиш юзасидан илгари сурган 5 та муҳим ташаббуси ижросини таъминлаш борасида кенг кўламли ишлар қилинмоқда. Хусусан, ёшларнинг жисмоний тарбия ва спортга бўлган қизиқишларини янада ошириш мақсадида турли спорт мусобақалари ташкил қилиниб, келажак эгалари спорт билан шуғулланишга кенг жалб этилмоқда.
Туманимизда ҳам жисмоний тарбия ва спорт билан шуғулланишни кенг тарғиб қилишга алоҳида эътибор қаратилмоқда. Кўплаб спортчи йигит-қизларимиз қатор спорт мусобақаларида фаол иштирок этиб, фахрли ўринларни қўлга киритиб келмоқдалар.
Жорий йилда Тошкент шаҳри Мирзо Улуғбек туманида “Олтин барглар” спорт мусобақаларининг Ўзбекистон очиқ турнири мусобақалари ташкил этилди. Ушбу турнирда барча вилоят ва туманлардан 200 нафардан ортиқ спортчилар, шу жумладан, туманимиз спортчилари ҳам иштирок этдилар. Ташкил этилган мусобақага Ўзбекистон Ёшлар ишлари агентлиги туман бўлими қошидаги Бадиий гимнастика тўгараги аъзоси, Халқ таълими бўлимига қарашли 82-сонли мактаб ўқувчиси Зуҳра Жумабоева фаол иштирок этиб, 2011 йилда туғилган қизлар ўртасида ўтказилган бадиий гимнастика мусобақасида фахрли 1-ўринни эгаллади ҳамда олтин медални қўлга киритди.
Бу каби ютуқлар туманимиз ёшларининг спортга бўлган қизиқишларининг юқори даражада эканлиги ҳамда устозлари ўргатган билимларни пухта эгаллаган ҳолда қилган машаққатли меҳнати самарасидир. Зуҳра Жумабоевани ғолиблик билан самимий табриклаймиз, келгусида бундан ҳам улкан марраларни эгаллашига тилакдошмиз.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
