YoSh SPORTChI MUSTAFO IMTIYoZLI RAVIShDA NUFUZLI OLIY OʻQUV YuRTIGA QABUL QILINDI
Mustaqillik yillarida xalqimiz bosib oʻtgan gʻoyat murakkab va sharafli yoʻl haqida, shu davrda qoʻlga kiritilgan ulkan yutuq-marralarimiz toʻgʻrisida soʻz yuritilganda, qalblarni gʻurur-iftixor tuygʻulari egallaydi. Oʻtgan yillar davomida barcha soha va tarmoqlar qatori mamlakatimizning sport hayotida, yurtdoshlarimizning sport haqidagi tasavvur va qarashlarida ham olamshumul oʻzgarishlar yuz berdi.
Mustaqillik mamlakatimiz sporti hayotida yangi va yorqin sahifalar ochdi. Buning tasdigʻini sportchi yigit-qizlarimizning dunyo miqyosidagi turli nufuzli sport anjumanlarida qoʻlga kiritayotgan ulkan yutuq va natijalari misolida bugun yaqqol koʻrmoqdamiz. Mamlakatimizda tashkil etilayotgan nafaqat Oʻzbekiston, balki xalqaro miqyosdagi yirik turnirlar, Osiyo va Jahon chempionatlari ham aynan shundan dalolat beradi.
Joriy yilning 12-14-mart kunlari ana shunday musobaqalardan biri Sirdaryo viloyati markazi Guliston shahrida sportning dzyudo turi boʻyicha 16-17 yoshdagi oʻsmirlar oʻrtasida Oʻzbekiston chempionati oʻtkazilgan edi. Uch kun davom etgan mamlakat birinchiligida Qoraqalpogʻiston Respublikasi, barcha viloyatlar hamda Toshkent shahridan 690 nafar oʻsmirlar ishtirok etdilar. Musobaqaning soʻnggi, uchinchi kunida ogʻir vazn toifasidagi bellashuvlar oʻtkazilib, gʻolib va sovrindorlar nomi maʼlum qilindi. Mazkur musobaqada tumanimizning yosh, iqtidorli sportchilaridan biri boʻlgan Mustafo Oʻrozboyev ham faol ishtirok etib, faxrli 3-oʻrinni qoʻlga kiritishga muvaffaq boʻldi.
Mustafo 6 yoshidan boshlab, sportning dzyudo, sambo, kurash turlari bilan shugʻullanib keladi. U shu davrga qadar koʻplab tuman, Qoraqalpogʻiston Respublikasi hamda Oʻzbekiston Respublikasi miqyosidagi musobaqalarda ishtirok etib, faxrli oʻrinlarni egallab kelmoqda. Xususan, 2017-yildan shu davrga qadar har yili sportning kurash, sambo, dzyudo turlari boʻyicha turli vazn toifalarida oʻtkazilgan faxrli oʻrinlar gʻolibi boʻldi.
Shu yil mart oyida Sirdaryo viloyatida oʻtkazilgan Oʻzbekiston chempionatida 3-oʻrin sovrindori boʻlgan Mustafo Oʻrozboyev Qoraqalpoq Davlat universitetining huquqshunoslik yoʻnalishiga hech qanday test sinovlarisiz imtiyozli ravishda oʻqishga qabul qilindi. Yurtimizda sportni rivojlantirishga qaratilayotgan eʼtibor hamda yaratilgan imkoniyatlardan oqilona foydalanib, katta yutuqlarga ega boʻlayotgan yosh sportchining kelgusida yana yangi marralarni egallashiga, jamiyat ravnaqiga munosib hissa qoʻshishiga ishonamiz.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
