TUMANDA SUV PESUPSLAPIDAN TEJAMLI VA SAMAPALI FOYDALANILMOQDA

Mamlakatimizda suv resurslaridan tejamli va samarali foydalanish asosida sugʻoriladigan maydonlardan olinadigan hosil miqdorini oshirish, oziq-ovqat mahsulotlarini ishlab chiqarishni kengaytirish orqali mamlakat aholisining turmush darajasini yanada yaxshilash borasida samarali ishlar amalga oshirilmoqda.

Tumandagi suv isteʼmolchilari Upradik sistemasining Gurlan, Qilichboy, Qipchoq-Basu vetkalari va daryoda joylashgan nasos stantsiyalari orqali suv bilan taʼminlanadi. Suv bilan taʼminlash, suvdan foydalanishni nazorat qilish Amudaryoning chap qirgʻogʻida Shixjamol, Qilichboy, Toshyop, Mangʻit, Qipchoq boʻlimlari, Amudaryoning oʻng qirgʻogʻida Nazarxon boʻlimlari tomonidan amalga oshiriladi.

Tuman Irrigatsiya boʻlimi hisobida 296,65 km. uzunlikdagi xoʻjaliklararo kanallar, 122 ta gidrotexnik inshoot, 134 ta gidropost, 153 ta suv chiqarish nuqtalari, 6 ta ekskavator 3 ta buldozer, 6 ta yer qazish kemasi bor. Boʻlim tumandagi 39463 gektar sugʻoriladigan yer maydonlarini suv bilan taʼminlashga xizmat koʻrsatadi. Tuman hududidagi ichki xoʻjalik kanallari uzunligi 1342 km. boʻlib, ularda 681 dona gidrotexnik inshoot, 510 dona gidropost, 1095 dona fermerlarning bosh suv olish quloqlari mavjud.

Bu yil vegetatsiya davri uchun tuman chegarasida 480,8 mln. m3 suv ajratilib, shu kungacha 79,3 mln. M3 suv yetkazib berildi. Ushbu suv bilan tuman boʻyicha 29798 gektar sugʻorish, shundan 19898 gektar sugʻorish kuzgi bugʻdoy, 9988 gektar sugʻorish tomorqa, 8058 gektar sugʻorish boshqa ekinlarni sugʻorish ishlari amalga oshirildi.

Undan tashqari, bu yil 45,4 km. uzunlikda xoʻjaliklararo kanallarda tozalash ishlari rejalashtirilib, amalda shu kungacha 24,9 km. uzunlikda tozalash ishlari olib borildi. Tozalash ishlariga xoʻjaliklaro kanallarda 3 ta ekskavator, 2 ta zemsnaryad, 2 ta buldozer ichki ekskavator, 91 nafar ishchi jalb qilindi.

Xosiyat Aytboyeva.