Tadbirkorlar diqqatiga!

Koronavirus infektsiyasi tarqalishiga qarshi kurashish davrida aholini ijtimoiy himoya qilishni kuchaytirish va iqtisodiyot tarmoqlari faoliyat koʻrsatishining barqarorligini taʼminlash, shuningdek, tadbirkorlik subʼektlarni qoʻllab-quvvatlash boʻyicha Prezidentimizning bir qancha Farmon va  qarorlari qabul qilindi.

Farmon va  qarorlari bilan tadbirkorlarga soliq, bank kreditlarining muddatlarini uzaytirish, tadbirkorlar faoliyatida soliq auditi tekshirishlariga moratoriy eʼlon qilinganligi va boshqa bir qancha imtiyozlar taqdim etildi.

Bu bilan pandimiya sharoitida tadbirkorlar qoʻllab-quvvatlandi va ularni bankrotlik holatiga tushub qolmaslik boʻyicha choralar koʻrildi.

Prezidentimiz tomonidan qabul qilingan Farmon va  qarorlar bilan berilgan imtiyoz va preferentsiyalarni tadbirkorlarga qoʻllanishini ijrosi Biznes-Ombudsman tomonidan nazorat qilib borilmoqda.

Jumladan, pandimiya davrida 1029 nafar tadbirkorga foydalanilmayotgan obʼektlar boʻyicha 6,7 mlrd soʻmlik oshirilgan (yer va mol-mulk) soliqlarni hisoblash toʻxtatildi, 3144 mingdan ortiq 543 mlrd. soʻmlik kredit shartnomalari boʻyicha kredit toʻlovlari kechiktirildi hamda faoliyatini toʻxtatishga majbur boʻlgan 365 nafar tadbirkorga davlat mulkidan foydalanganlik uchun ijara toʻlovlarining hisoblanishi va undirilishi toʻxtatilishiga erishildi.

Davlatimiz rahbari boshchiligida 3-iyun kuni oʻtkazilgan video selektor yigʻilishida karantin choralarini yumshatish boʻyicha bir qator topshiriqlar berdilar.

Buning natijasida Respublika maxsus komissiyasi tomonidan qabul qilingan qaroriga asosan koronavirus infektsiyasining tarqalishi bilan bogʻliq epidemik vaziyatdan kelib chiqqan holda, Qoraqalpogʻiston Respublikasida Qoʻngʻirot tumani “qizil”, Nukus shahri va boshqa barcha tumanlar “yashil” toifaga kiritilgan.

Maxsus komissiya qaroriga asosan 2020-yil 5-iyundan boshlab:

mehmonxonalar, sanatoriylar, pansionatlar, bolalar oromgohlari, mehmon uylari, plyajlar, boshqa dam olish maskanlari va joylashtirish vositalari faoliyatiga (xostellar bundan mustasno);

uy mehmonxonalari va soliq organlarida roʻyxatdan oʻtgan dala hovlilar (dachalar) faoliyatiga (faqat oilaviy mehmonlarga xizmat koʻrsatish uchun);

mehmonxonalar, sanatoriylar, pansionatlar, bolalar oromgohlari, mehmon uylari, plyajlar, boshqa dam olish maskanlarida joylashgan hamda ochiq havoda xizmat koʻrsatuvchi umumiy ovqatlanish obʼektlari (restoran, kafe, oshxona, choyxona) faoliyatiga;

individual shugʻullanish uchun trenajer zallari va basseynlar faoliyatiga;

taʼlim markazlari, toʻgaraklar (10 kishidan koʻp boʻlmagan guruh tashkil etib, vaqtini oldindan kelishgan holda) faoliyatiga, shuningdek diniy tashkilotlar faoliyatiga;

15-iyundan boshlab esa:

umumiy ovqatlanish obʼektlari, buyum bozorlari faoliyatiga;

maktabgacha taʼlim tashkilotlari faoliyatiga;

hududlar oʻrtasidagi avtobus qatnovlariga ruxsat berilmoqda.

Oʻz navbatida oʻrnatilgan karantin qoidalariga qatʼiy rioya qilish, jumladan:

jamoat joylari va tadbirkorlik faoliyati obʼektlarida ijtimoiy masofa (2 metr)ni saqlash, uch kishidan ortiq yigʻilmaslik, fuqarolarning tibbiy niqobdan hamda antiseptik vositalaridan foydalanish;

dehqon, qurilish bozorlari, oziq-ovqat va nooziq-ovqat savdo nuqtalari (supermarket va boshqa yirik doʻkonlar) kirish-chiqish joylarini pirometrlar va antiseptik vositalar bilan jihozlash hamda har bir fuqaroning tana haroratini oʻlchab, 37*S va undan yuqori boʻlgan holatda, ushbu majmualarga kiritmaslik choralarini koʻrish;

barcha tashkilotlar kirish-chiqish joylarini pirometrlar, antiseptik vositalar va dezinfektsion “toʻshak”lar bilan taʼminlash hamda xodimlar tomonidan ijtimoiy masofa (2 metr)ni saqlagan holda faoliyat yuritishini taʼminlash, shuningdek faoliyat turlari boʻyicha belgilangan sanitariya qoidalari va meʼyorlariga rioya qilish har birimizning burchimiz va masʼuliyatimiz ekanligini unutmasligimiz lozim.

Shu sababli, Tadbirkorlik subʼektlari tomonidan oʻz faoliyatlarida belgilangan karantin qoidalari, sanitariya qoidalari va meʼyorlariga qatʼiy rioya qilgan holda amalga oshirishingizni soʻrab qolamiz.

Oʻzbekiston Respublikasi Prezidenti huzuridagi Tadbirkorlik subʼektlarining huquqlari va qonuniy manfaatlarini himoya qilish boʻyicha Vakil devoni