TUMANIMIZDA KOPONAVIPUSNING OLDINI OLIShGA QAPATILGAN ChOPA-TADBIPLAP KUChAYTIPILMOQDA

Koronavirus pandemiyasi bugungi kunda butun dunyoda katta tezlikda tarqalib, yangi-yangi hududlarni qamrab olmoqda. Ushbu kasallik 2020-yilning 20-martiga qadar dunyoning 180 ta mamlakatiga kirib bordi. Afsuski, bu yuqumli xastalik mamlakatimizni ham chetlab oʻtmadi.

15-mart kuni Parijda sayohatda boʻlib qaytgan shifokorda ilk marta kasallik virusi aniqlangan boʻlsa, 20-martga kelib jami koronavirusga chalinganlar 33 nafarga yetdi. Kasallik yurtdoshimizda aniqlangani munosabati bilan  muhtaram Prezidentimiz topshirigʻiga muvofiq Pespublika maxsus komissiyasi tuzilib, kasallikning keng tarqalishiga qarshi tezkor chora-tadbirlar amalga oshirilmoqda. Bu borada soʻz ketganida 16-martdan boshlab, yurtimizda karantin holati joriy etilib, maktabgacha taʼlim, maktab, oliy taʼlim muassasalari vaqtincha yopilgani, odamlar gavjum joylarda ommaviy tadbirlar cheklangani, aholi orasida ushbu kasallikni yuqtirib olmaslik yoʻl-yoʻriqlari keng targʻib qilinayotganini aytish oʻrinli.

Butun mamlakatimizda boʻlgani kabi koronavirus kirib kelishi va keng tarqalishining oldini olish uchun tumanimizda yil boshidanoq keskin chora-tadbirlar amalga oshirila boshlangan edi. Yanvar oyidan beri xorijda boʻlib qaytgan fuqarolar uy karantiniga olinib, ularning kundalik holati tuman Sanitariya epidemiologik osoyishtalik markazi xodimlari tomonidan muntazam nazorat qilib borildi. Mart oyi boshidan beri tumanimiz hududida va mamlakatimizning turli viloyatlariga, Toshkent shahriga qatnaydigan jamoat transportlari har toʻrt soatda dezinfektsiya qilinayapti. Shuningdek, aholi gavjum joylarda, maktabgacha taʼlim, xalq taʼlimi muassasalarida ham dezinfektsiyalash ishlari amalga oshirildi va kasallikdan saqlanish qoidalari yozilgan plakatlar tarqatildi.

Kasallik kirib kelganidan keyin bu chora-tadbirlar yana  ham kuchaytirilib, tuman Tibbiyot birlashmasi xodimlari favqulodda ish rejimiga oʻtkazildi. Ular kasallikni tezkor aniqlash va aniqlangan holatda qanday yoʻl tutishi lozimligi boʻyicha oʻqitildi.

Shu yilning 20-mart kuni tuman Sanitariya epidemilogik osoyishtalik markazi va tuman Tibbiyot birlashmasi shifokorlari hamkorligida kasallikning oldini olishga xizmat qiluvchi dezinfektsiyalash ishlari davom ettirildi. Shu kuni “Asl sifat” oilaviy korxonasiga qarashli doʻkon, oshxona, “Poʻzmetov Temur” oilaviy korxonasi oshxonasi va doʻkoni, “Vatan” kafesi va “Xudoybergan” toʻyxonasi, shuningdek, tumanimizning turli hududlariga qatnaydigan avtobuslar va marshrutli taksilar dezinfektsiya qilindi. Undan tashqari, tuman hududidagi karantinda boʻlgan maktabgacha taʼlim tashkilotlarida ham toʻlaqonli dezinfektsiya ishlari amalga oshirildi.

Davlatimiz tomonidan pandemiyaga aylangan koronavirus kasalligi tarqalishining oldini olishga  qanchalik koʻp harakat qilinmasin, qanchalik koʻp mablagʻ sarflanmasin, baribir yurtdoshlarimizning  bu xavfga oqilona munosabatda boʻlishi, zarurat boʻlmaganda jamoat joylariga borishdan tiyilib, uyda boʻlishi va sanitariya-gigiyena qoidalariga qatʼiy amal qilishi kutilgan natijaga erishishda asosiy rol oʻynaydi.

Yurtimiz shifokorlari oʻzlarining jonini ayamay kasallikka  qarshi kurashga, aholini bu xavfdan talafotlarsiz olib chiqishga bel bogʻlab, fuqarolarimizga “Biz siz uchun ishga chiqdik, siz biz uchun uyda qoling”, deya murojaat qilishmoqda.

Darvoqe, inson sogʻ-omon boʻlsa, hayotida yaxshi kunlar koʻp boʻladi. Demoqchimizki, vaqtincha toʻy-bazmlarni, turli tantanalarni  toʻxtatib, mamlakatimizda koronavirus pandemiyasi tarqalib ketishining oldi olinishiga har kim shaxsiy hissa qoʻshishi, vahimaga berilmasdan hamjihatlikda bu sinovni yengib oʻtishga harakat qilishi lozim.

Oygul PAJABOVA.