YoShLARGA OID DAVLAT SIYoSATI – TARAQQIYoTIMIZ KAFOLATI
25-mart kuni tuman hokimligida Oʻzbekiston Respublikasi Prezidentining 2014 yil 6-fevraldagi "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar toʻgʻrisida”gi Qarori bilan tasdiqlangan Oʻzbekiston Respublikasida 2014-yilda yoshlarga oid davlat siyosatini amalga oshirishga qaratilgan qoʻshimcha chora-tadbirlar Dasturi ijrosini tashkillashtirish masalalari boʻyicha tuman hokimligi huzuridagi voyaga yetmaganlar ishlari boʻyicha komissiyaning majlisi oʻtkazildi.
Majlisda taʼkidlanganidek, muhtaram Yurtboshimizning mazkur qarori mamlakatimizda amalga oshirilayotgan keng koʻlamli islohotlarda yoshlarning faol ishtirokini taʼminlash, yuksak maʼnaviyatli, mustaqil va erkin fikrlaydigan, zamonaviy ilm-fan yutuqlarini puxta oʻzlashtirgan har tomonlama sogʻlom va barkamol avlodni voyaga yetkazishga qaratilgan yoshlarga oid davlat siyosatini izchil amalga oshirish maqsadida, davlat va jamoat tashkilotlarining takliflarini inobatga olgan holda qabul qilingan.
Qaror bilan tasdiqlangan 2014-yilda yoshlarga oid davlat siyosatini amalga oshirishga qaratilgan qoʻshimcha chora-tadbirlar Dasturi jami 67 band va 7 boʻlimdan iborat.
Tuman hokimligi huzuridagi voyaga yetmaganlar ishlari boʻyicha komissiyaning majlisida "Oʻzbekiston Respublikasida yoshlarga oid davlat siyosatining asoslari toʻgʻrisida”gi Oʻzbekiston Respublikasi Qonunining yangi tahrirdagi loyihasini ishlab chiqishga takliflar kiritish boʻyicha tuman ishchi guruhi, Dasturning tegishli bandlari ijrosini taʼminlashga masʼul Komissiya ishchi guruhlari, "Yoshlar va qonun” targʻibot loyihasini amalga oshirish kontseptsiyasi, yoshlar (shu jumladan voyaga yetmaganlar) orasida xuquqbuzarlik va jinoyatchilikning oldini olishga qaratilgan tadbirlar rejasi, ota-onalar yoki ularning oʻrnini bosuvchi shaxslar tomonidan bolalarni tarbiyalash va ularga taʼlim berish borasidagi majburiyatlarni bajarmaslik holatlarining oldini olishga qaratilgan tadbirlar rejasi tasdiqlandi. Shuningdek, majlisda 2014-yilda yoshlarga oid davlat siyosatini amalga oshirishga qaratilgan boshqa masalalar ham muhokama qilindi.
Gʻ.Yeshniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
