Yurtimizda Navroʻz nafasi
Navroʻz... Bahor faslining eng ulugʻ va eng nufuzli tantanasi, mingyilliklar osha, asrlar osha yashab kelayotgan milliy, anʼanaviy ayyom!
Bu bayram xalqimizning yuragidan joy olgan boʻlib, toʻkin-sochinlikdan, farovonlikdan darak olib keladi. Donishmand bobolarimizning, nuroniy momolarimizning asrlar osha yashab kelayotgan naqllaridan biri: "yaxshi odam koʻzidan, yangi yil Navroʻzidan bilinadi”, degani ham shundan.
Darhaqiqat, bu yilgi Navroʻz yurtimizga har yilgidan ham haroratliroq porlab turgan qoʻyoshi-yu, nazm va navo shukuhi ufurib turgan milliy anʼanalar tarovati bilan fayzli. Yoshlarimiz Navroʻzday yashnab-yasharib, yaratish ishqi bilan yashamoqda. Mustaqillikdan keyin davlatimizning va Yurtboshimizning yoshlarga qaratayotgan eʼtiborlari va koʻrsatayotgan gʻamxoʻrliklari tufayli yurtimizda qanchadan-qancha kollej va akademik litseylar, maktablar, sport saroylari hamda maktabdan tashqari taʼlim muassasalari, shuningdek "Barkamol avlod” bolalar markazlari qayta taʼmirlanib va takomillashtirilib, bu maskanlarda yuksak maʼnaviy va milliy-tarbiyaviy ruhda faoliyat yuritilmoqda.
Tumanimizdagi "Barkamol avlod” bolalar markazida tahsil olib, kasb-hunar oʻrganayotgan yoshlarimiz bu yilgi Navroʻz bayramini oʻzgacha ruhda qutib olmoqdalar. Ayniqsa, "Yumshoq oʻyinchoqlar”, "Yosh rassomlar”, "Boshlangʻich texnik modellashtirish” hamda "Yosh jurnalist va notiq” toʻgaraklarining aʼzolari oʻzlarining qoʻl mehnatlari ila ishlagan oʻyinchoqlari, qushlari, havo sharlari va ijodiy sheʼrlari bilan chiqsalar, "Folklor” toʻgaragi aʼzolari raqslari bilan bayramga fayz kiritadilar.
Xalqimiz azaldan yangi yilning omadli va saxovatli boʻlishi Navroʻzning qanday kelishiga, uning qanday kutib olinishiga bogʻliq, deb bejiz aytmaydilar. Fasllar kelinchagi Bahoroyning yurtimizga haroratli kirib kelishi, yoshlarimizning qalbiga iliqlik, ezgulik, ijodiy joʻshqinlik bagʻishladi. Yurtimizning har bir goʻshasida ana shunday toza va ezgu niyatlar bilan Navroʻzga peshvoz chiqqan hamyurtlarimiz, farzandlarimiz bayram sayllarini davom ettirmoqda.
Zulfiya OLLAYoROVA,
"Barkamol avlod” bolalar markazi xodimi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
