SUV SPOPTI – INSONGA MUSTAHKAM SOGʻLIK, JISMONIY KUCh-QUDPAT, MAʼNAN GOʻZALLIK BAXSh ETADI
Suv sporti nafaqat insonni sogʻlomlashtiradi, balki unga jismoniy goʻzallik bagʻishlaydi. Hatto bolalarda uchraydigan ayrim nuqsonlarni davolashda suv sportining ahamiyati katta. Xususan, nafas yoʻllari bilan bogʻliq muammolarni bartaraf etishda, bolalar feʼlidagi asabiylashish, jizzakilik kabi nuqsonlarni yoʻqotishda bu sport turining oʻrni gʻoyat muhim.
Tumanimizda ham tuman hokimining tashabbusi bilan yopiq suzish suv havzasi barpo etilib, 2019-yil boshida ishga tushirildi. Mazkur suv havzasini qurish uchun davlatimiz tomonidan 4 mlrd. 876 mln. soʻm pul mablagʻi ajratildi. Shunisi eʼtiborga molikki, suv havzasi zamon talablari darajasida, jahon andozalariga mos sport anjomlari va uskunalari bilan jshozlangan.
Ayni paytda suv havzasida sogʻlomlashtirish va boshlangʻich tayyorgarlik guruhlari tashkil etilgan. Sogʻlomlashtirish guruhlarida 8-9 yoshgacha boʻlgan bolalar uchun bepul shugʻullanish imkoniyati yaratilgan. Undan katta yoshdagilar esa yoshiga mutanosib ravishda, qolaversa, Vazirlar Mahkamasining 2018-yil 3-maydagi 333-son Qaroriga muvofiq pullik sogʻlomlashtirish guruhlarida shugʻullanishmoqda.
Haftaning uch kunida murabbiy Javohir Matirzayev rahbarligida suv sporti turlari boʻyicha shakllantirilgan guruhlarda 64 nafar yoshlar shugʻullanishmoqda.
Suv havzasida suv sporti turlari boʻyicha shugʻullanishni xohlovchilar uchun zarur shart-sharoitlar yaratilganini alohida taʼkidlash joiz. Haftaning uch kunida oʻquvchi yoshlar, er bolalar va kattalar, uch kunida esa tumanimiz aholisi, ayol-qizlardan tashkil topgan sogʻlomlashtirish guruhlarida mashgʻulotlar olib borish belgilangan.
Ayniqsa, oʻquvchi-yoshlarning yozgi dam olish kunlarini maroqli oʻtkazishlari, suv sporti turlari bilan shugʻullanishlarini taʼminlash maqsadida suv havzasi maʼmuriyati tomonidan doimiy qabul kunlari tashkil etilgan va har kuni qiziquvchilarni guruhlarga qabul qilish imkoniyati mavjud.
Suv havzasida shugʻullanishni xohlovchilar, albatta, mutaxassis shifokorlar koʻrigidan oʻtib, 086 raqamli tibbiy maʼlumotnomani taqdim etishlari, bundan tashqari, suv havzasida choʻmilish uchun talab qilinadigan sport kiyimi, gigiyenik vositalar, koʻzoynak, rezina shippak, rezina qalpoqchalar bilan taʼminlangan boʻlishlari shart.
Suv sporti insonga mustahkam salomatlik, jismoniy goʻzallik, haqiqiy kuch-qudrat baxsh etishi bilan boshqa sport turlaridan farq qiladi va oʻsib kelayotgan yosh avlodning jismonan baquvvat, aqlan yetuk, maʼnan goʻzal qalb egasi sifatida shakllanishida katta ahamiyatga ega. Shu bois, men ota-onalarga:
- Farzandlaringizning suv sporti bilan shugʻullanishlariga imkoniyat yarating va bundan albatta xursand boʻlasiz, - degim keladi.
Ch.TOJIMUPODOV, tuman BOʻSM direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
