Yangi biometrik pasport
Özbekiston Respublikasi Prezidentining 2009-yil 23 iyuldagi PF-4117-sonli va Özbekiston Respublikasi Prezidentining 2011-yil 5 yanvardagi "Özbekiston Respublikasida pasport tizimini yanada takomillaştirişga doir qöşimça çora-tadbirlar töğrisida”gi PF 4262-sonli Farmonlariga asosan Özbekiston Respublikasi fuqarosining amaldagi pasporti 2015-yil 31 dekabrgaça haqiqatligi belgilab berilgan. Yaʼni, fuqarolar şu muddatga qadar yangi turdagi biometrik pasport bilan taʼminlanişlari şart.
Özbekiston Respublikasi hududida doimiy yaşovçi fuqaro pasport olişi uçun doimiy röyxatda turadigan joyidagi içki işlar idoralarining maʼlumotlarni yiğiş punktiga murojaat qilişi lozim. Ular buning uçun Içki işlar Vazirligi tomonidan belgilangan maxsus şakldagi anketa-arizani töldirişi va unga şaxsini tasdiqlovçi tegişli hujjat-amaldagi pasporti yoki birinçi marta pasport olayotganlar tuğilganligi haqidagi guvohnomasini, ota-onasining pasport nusxasi, davlat boji tölaganligi haqidagi kvitantsiyani ilova qilişi kerak. Pasport egasining familiyasi, otasining ismi, ismi, millati, tuğilgan sanasi özgarganligi yoki yozuvlarda noaniqliklar mavjudligi aniqlanganligi munosabati bilan yangi biometrik pasport rasmiylaştirilişidan oldin uşbu holatlarni tasdiqlovçi hujjatlarni taqdim etadi.
Biometrik maʼlumotlarni yiğiş punkti operatori fuqarolarning biografik va biometrik maʼlumotlarini kompyuter umumiy töplamiga kiritadi. Bunda fuqaroning barmoq izlari olinadi va raqamli fotosuratga tuşiriladi. Uşbu maʼlumotlar asosida elektron talabnoma tayyorlanib, maxsus elektron tarmoq orqali Özbekiston Respublikasi Vazirlar Mahkamasi huzuridagi Davlat personallaştiriş markaziga yuboriladi. Bu yerda elektron talabnomalar asosida hujjatlar personallaştiriladi, yaʼni, biografik maʼlumotlar pasportni vizual tekşiriş zonasiga, biografik va biometrik axborot esa çipga kiritiladi.
Eski namunadagi pasportni rasmiylaştirişda fuqarolar tomonidan fotosurat taqdim etilib, uşbu fotosurat fuqaro pasportiga yopiştirib berilgan bölsa, biometrik pasportni rasmiylaştirişda fuqarolardan fotosurat olib keliş talab qilinmaydi. Xorijga çiqiş-keliş va fuqarolikni rasmiylaştiriş xizmatida fuqaro fotosuratga olinib, uşbu fotosurat pasport blankasiga bosmalaş yöli bilan tuşiriladi. 16 yoşdan oşgan fuqarolardan barmoq izlari maxsus skaner qurilmalari orqali olinadi. Şuningdek, biometrik pasportga barça zarur maʼlumotlar lotin alifbosi asosida kiritiladi.
Biometrik pasportning varaqlari soni 36 tadan iborat va maxsus mikroçip örnatilgan bölib unga pasport egasining biografik hamda biometrik maʼlumotlarining elektron nusxalari kiritiladi.
Maʼlumotlarni töplaş punktiga keliş uçun jismoniy imkoniyati bölmagan şaxslarga ham biometrik pasport beriş mexanizmi işlab çiqilgan. Harakatlaniş imkoniyati çeklangan şaxslarga xizmat körsatiş uçun biometrik maʼlumotlarni töplaş punktlari huzurida ariza beruvçi yaşayotgan joyda uning raqamli fotosurati va barmoqlari izini oliş imkonini beradigan mobil stantsiya orqali rasmiylaştiriladi.
Yuqorida qayd etilgan Özbekiston Respublikasi Prezidenti Farmonlarini amalga oşira borib, joriy 2013-yil 28-iyuldan eʼtiboran tumanimiz fuqarolariga yangi biometrik pasportlarni rasmiylaştirib taqdim etişga kirişildi. Şu kunga qadar 3500 nafarga yaqin fuqarolarning talab qilingan hujjatlari kompyuter bazasiga kiritilib, yangi biometrik pasportlar talab darajasida tayyorlanmoqda. Şulardan 3000 tadan ortiği sifatli tayyor qilinib, fuqarolarga taqdim etildi. Yangi yilgaça 6000 nafarga yaqin fuqaro yangi biometrik pasport egalari böladilar. Yangi 2014-yil davomida jami 46 ming nafardan ortiq fuqaro yangi biometrik pasport sohiblari böladilar. 2015-yil oxirigaça tumanimizning pasport yoşidagi fuqarolarning barçasi yangi biometrik pasportga egalik qiladilar. Bu bilan Prezidentimizning mazkur Farmonlari töla-tökis muvaffaqiyatli amalga oşiriladi.
Nurbek KAMOLOV,
Amudaryo tumani IIB xorijga çiqiş-keliş va fuqarolikni rasmiylaştiriş bölinmasi boşliği, mayor.
(Foto: http://fikr.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
