“QUVNOQ STARTLAR” DA KUChLI VA ChAQQON 76-SONLI MAKTAB OʻQUVChILARI GʻOLIB BOʻLDI
Oʻquvchi yoshlar orasida sogʻlom turmush tarzini keng targʻib etish, sportning ommaviyligiga erishish va sport bilan shugʻullanuvchi iqtidorli yoshlarni aniqlab, ragʻbatlantirish maqsadida har yili “Quvnoq startlar” televizion musobaqasini oʻtkazish anʼanaga aylanib qolgan.
Musobaqaning maktab bosqichi tumanimizdagi 70 ta umumtaʼlim maktablarida oʻtkazildi va gʻoliblar aniqlandi hamda ikkinchi yaʼni hududiy bosqichlarga yoʻllanma berildi.
“Quvnoq startlar” ning hududiy bosqichi 7 dekab kuni 7 ta hududlarda-yaʼni Mangʻit shahri, shahar atrofi, Qilichboy, Xitoy, Jumurtov, Qipchoq va Toʻlqin hududlarida oʻtkazildi.
Hududiy bosqich gʻoliblari – 18-, 28-, 35-, 36-, 41-, 52- va 76- sonli maktablar jamoalari 17-dekabr kuni 3-sonli Amudaryo akademik litseyi sport zalida oʻzaro bellashdilar.
Musobaqa nizomida belgilanganidek, ushbu bosqichda har bir maktabdan 12 nafar oʻgʻil, 12 nafar qiz ishtirok etdilar va gʻoliblik uchun oʻzaro bellashdilar.
Qizgʻin kurashlar ostida kechgan “Quvnoq startlar” televizion musobaqasida 76-sonli maktab jamoasi ikkinchi, 52-sonli maktab jamoasi birinchi, 28-maktab jamoasi uchinchi oʻrinlarni yengib oldilar.
Musobaqa gʻoliblari Oʻzbekiston “Yoshlik” jismoniy tarbiya va sport jamiyatining Amudaryo tuman hududiy boʻlinmasi tomonidan diplom va esdalik sovgʻalar bilan taqdirlandi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
