Kollejning yangi binosi
OʻzA, A.Ortiqboyev, 13.12.2013 18:55
Qoraqalpogʻiston Respublikasining Amudaryo tumanidagi transport kasb-hunar kollejining yangi binosi foydalanishga topshirildi.
Shu munosabat bilan boʻlib oʻtgan tadbirda Prezidentimiz Islom Karimov rahnamoligida amalga oshirilayotgan izchil islohotlar samarasida mamlakatimizning barcha hududlarida zamonaviy taʼlim muassasalari, madaniyat va sport inshootlari barpo etilib, yoshlarning har tomonlama chuqur bilim olishi, kasb-hunar oʻrganishlari uchun barcha shart-sharoit yaratilayotgani taʼkidlandi.
Qoraqalpogʻiston Respublikasida faoliyat koʻrsatayotgan 103 oʻrta maxsus oʻquv yurtining toʻqson uchtasi kasb-hunar kolleji boʻlib, ularda oʻgʻil-qizlarimiz toʻqsondan ortiq kasb yoʻnalishi boʻyicha tahsil olmoqda.
Mazkur binoning bunyod etilishida tumandagi "Qurilishxizmat” masʼuliyati cheklangan jamiyati quruvchilari tomonidan 2 milliard 933 million soʻmlikdan ziyod qurilish-montaj ishlari amalga oshirildi.
Zamonaviy oʻquv qurollari va koʻrgazmali vositalar bilan jihozlangan mazkur taʼlim maskanida oʻquvchilar 5 yoʻnalish boʻyicha chuqur bilim olishi, oʻzi tanlagan kasb sirlarini puxta oʻzlashtirishi uchun barcha qulaylik yaratilgan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
