Sanitariya nazorati tibbiy madaniyat yuksalishiga xizmat qiladi
Kundalik turmush tarzini reja asosida tashkil etish, toʻgʻri va sogʻlom ovqatlanish, aqliy va jismoniy mehnatni birgalikda mutanosib olib borish, toʻlaqonli uyqu va vaqtida dam olish, shaxsiy gigiyena qoidalariga qatʼiy rioya qilish sogʻlom turmush tarzining asosiy mezoni hisoblanadi. Insonning jismoniy, maʼnaviy-ruhiy va tibbiy holati uygʻunligi orqali jismoniy, ijtimoiy farovonlik va maʼnaviy xotirjamlikka erishiladi.
Sogʻlom hayot kechirishning bu kabi qoidalari tuman Davlat sanitariya epidemiologiya nazorat markazi xodimlari tomonidan aholi oʻrtasida muntazam ravishda targʻib etib kelinmoqda. Tibbiyot, oʻquv-tarbiya muassasalari, mahalla va jamoat joylarida sogʻlom ovqatlanish, zararli odatlardan saqlanish, gigiyenik koʻnikmalarni shakllantirish boʻyicha davra suhbatlari, maʼruzalar va seminarlar tashkil etib borilmoqda. Aholi oʻrtasida aniqlangan yuqumli kasalliklar oʻchoqlarida ularning kelib chiqish sabablari aniqlanib, kasallikni bartaraf qilish choralari koʻrilmoqda.
Atrof-muhitni himoya qilishni taʼminlash tizimida qabul qilingan qonunlar ijrosi yuzasidan qator ishlar amalga oshirilmoqda. Jumladan, Oʻzbekiston Respublikasi «Aholining sanitariya-epidemiologik osoyishtaligi toʻgʻrisida»gi Qonunining 14-moddasiga asosan tumandagi fuqarolarning oʻzini-oʻzi boshqarish organlari hamda korxona, muassasa va tashkilotlarga ekologiya va atrof-muhitni muhofaza qilish hamda hududlarni obodonlashtirish, chiqindilarning oʻz vaqtida olib ketilishini taʼminlash masalalari yuzasidan tavsiyalar berib borilmoqda.
Aholi yashash punktlari, ovul va mahalla fuqarolar yigʻinlari hamda xonadonlarda sanitariya-tozalash ishlarini tashkil qilish, chiqindilarni oʻz vaqtida tashqariga chiqarishni taʼminlashga masʼul korxona, tashkilotlar ishlarini nazorat qilish borasida ham tuman hokimligidan biriktirilgan masʼul xodimlar bilan hamkorlikda qator ishlar amalga oshirilmoqda. Barcha mahallalarda yigʻilishlar oʻtkazilib, aholi oʻrtasida sogʻlikni saqlash, yuqumli kasalliklarning oldini olish, atrof-muhitni muhofaza qilish, hududlarni obodonlashtirish, oilada sogʻlom muhitni shakllantirish boʻyicha uchrashuvlar tashkil qilinib, keng koʻlamda tushuntirish-targʻibot ishlari olib borildi va mavjud muammolar oʻz vaqtida bartaraf qilindi.
Tozalik – sogʻlik garovidir. Atrof-muhit tozaligiga alohida eʼtibor berib, sanitariya-gigiyena talablariga rioya etish orqali sogʻlom turmush tarzini yaratish esa salomatlik va uzoq umr koʻrishning yagona, ishonchli yoʻlidir. Sanitariya madaniyatini targʻib qilish bizning asosiy vazifamizdir
Durbek BOBOJANOV,
tuman DSENM bosh shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
