SPOPT HAFTALIGIDA 36 MING 600 NAFAPDAN ZIYoD YoShLAP IShTIPOK ETDI

Jismoniy tarbiya va sport masalalariga bagʻishlab oʻtkazilgan yigʻilishda Prezidentimiz tomonidan respublika taqvim rejasi doirasida har yili ommaviy sport tadbirlarini oʻtkazib borish vazifasi berilgan edi. Shunga koʻra, birinchi boʻlib Qoraqalpogʻiston Pespublikasida namuna tarzida Jismoniy tarbiya va sport vazirligi hamda Oʻzbekiston Yoshlar ittifoqi va boshqa tashkilotlar hamkorligida “Yoshlar sport haftaligi” tashkil etildi.

Qoraqalpogʻiston Pespublikasidagi barcha tumanlardagi kabi bizning tumanimizda ham oʻtkazilgan ushbu haftalikda turli sportlar boʻyicha musobqalar tashkil etildi. Sportning stol tennisi, gimnastika, voleybol, shaxmat-shashka, kurash va boshqa turlari boʻyicha oʻtkazilgan musobaqalarda 600 nafardan ziyod yoshlar ishtirok etdilar. Haftalik davomida oʻtkazilgan ertalabki badantarbiya mashgʻulotlariga esa jami 36 mingdan ziyod yoshlar qatnashib, kunni zavqli boshladilar.

1 va 2-oktyabr kunlari tuman sport maktabida stol tennisi boʻyicha ochiq birinchilik oʻtkazildi. Unda tumanimizdagi umumtaʼlim maktablaridan 81 nafar oʻquvchi ishtirok etdi. Qizgʻin oʻtgan musobaqada 1-oʻrin gʻolibligi 40-son maktab oʻquvchisi Shahzod Jumaboyevga, 2-oʻrin 5-son maktab oʻquvchisi Diyorbek Allaberganovga, 3-oʻrin 15-son maktab oʻquvchisi Doston Jumanazarovga berildi. Qizlardan esa 31-son maktab oʻquvchisi Hurshida Qoʻchqorovaga 1-oʻrin, 36-son maktab oʻquvchisi Iroda Qurbonboyevaga 2-oʻrin, 27-son maktab oʻquvchisi Gulmira Bayramboyevaga 3-oʻrin gʻolibligi berildi.

3-oktyabr kuni tuman Madaniyat va aholi dam olish markazida sportning badiiy gimnastika turi boʻyicha oʻtkazilgan ochiq birinchilikda 5-7, 8-9, 10-13 yosh toifadagi sportchi qizlar ishtirok etdilar. Musobaqalarda gimnastika usullarini nafis harakatlar bilan namoyish etib, oʻz mahoratini koʻrsatgan qizlardan gʻoliblar saralanib olindi. Yakuniy natijalarga koʻra, 5-7 yoshdagilar toifasi boʻyicha 31-son maktab oʻquvchisi Zuhra Jumaboyeva 1-oʻrin, 6-son maktabgacha taʼlim muassasasi tarbiyalanuvchisi Lobaroy Arrabboyeva 2-oʻrin, 17-son maktabgacha taʼlim muassasasi tarbiyalanuvchisi Sugʻdiyona Bektemirova esa 3-oʻrinni egalladilar.

Shuningdek, 8-9 yoshdagi qizlar oʻrtasida oʻtkazilgan musobaqalarda 30-son maktab oʻquvchisi Mahliyo Toirova 1-oʻringa, 55-son maktab oʻquvchisi Asaloy Arabova 2-oʻringa, 1-son maktab oʻquvchisi Sevinch Murodboyeva 3-oʻringa ega boʻldilar. Musobaqaning 10-13 yoshdagilar toifasi boʻyicha esa 31-son maktab oʻquvchisi Sevara Jabborbergenova 1-oʻrin, 55-son maktab oʻquvchisi Puxshona Muhammadsoliyeva 3-oʻrinni qoʻlga kiritishga muvaffaq boʻldilar.

Sport haftaligi bellashuvlari 4-oktyabr kuni ham davom ettirildi hamda 160 nafardan ziyod yoshlar Amudaryo akademik litseyi sport zali va maydonchalarida voleybol, futbol boʻyicha boʻlib oʻtgan musobaqalarda ishtirok etdilar. Voleybol boʻyicha oʻtkazilgan musobaqalarda Amudaryo melioratsiya va suv xoʻjaligi kasb-hunar kolleji jamoasi 1-oʻrin, NDPI qoshidagi 3-sonli Amudaryo akademik litseyi jamoasi 2-oʻrin, Amudaryo agrobiznes kasb-hunar kolleji jamoasi 3-oʻrin gʻoliblari boʻldilar. Futbol musobaqalarida esa Amudaryo maishiy xizmat koʻrsatish kasb-hunar kolleji jamoasi 1-oʻrin Mangʻit iqtisodiyot kolleji 2-oʻrin, Doʻrman qishloq xoʻjalik kasb-hunar kolleji oʻquvchilari 3-oʻrin gʻolibligini qoʻlga kiritdilar.

Haftalikning 5-oktyabr kuni shashka boʻyicha oʻtkazilgan musobaqasi Yoshlar ittifoqi tuman Kengashi va Nogironlar jamiyati tuman boʻlimi tomonidan tashkillashtirildi. Undan tashqari, tuman Jismoniy tarbiya va sport boʻlimi bilan hamkorlikda shaxmat boʻyicha ham musobaqa oʻtkazildi.

“Yoshlar sport haftaligi” 6-oktyabr kuni davom ettirilib, Ittifoqning tuman Kengashi va tuman Jismoniy tarbiya va sport boʻlimi hamkorigida yoshlar oʻrtasida kurash musobaqalari oʻtkazildi. Musobaqalarning barcha gʻoliblari tashkilotchilar tomonidan “Faxriy yorliq” va sovgʻalar bilan taqdirlandilar.

Haftalik doirasida oʻtkazilgan barcha musobaqalarda sportchi va sportga qiziquvchi yoshlar bellashish bilan birga oʻzaro doʻstlik va hamjihatlikni ham mustahkamlashdi.

Ozoda Xudoyberganova.