Hasharchilarimizning shashti baland
Bizning Doʻstlik mahallamizda 832 xonadonda 3637 nafar aholi istiqomat qiladi. Ularning orasida turli kasb egalari, tadbirkorlar ham bor.
Joriy yil paxta yigʻim-terim boshlanishi oldidan yigʻin masʼul xodimlari hududimizdagi ishsiz, ishga yaroqli aholi bilan xonadonma-xonadon yurib, paxta terimida ishtirok etib, oilasi iqtisodini yaxshilashi uchun harakat qilishi imkoniyati mavjudligi, bunday koʻngilli terimchilar uchun MFY tomonidan qulayliklar yaratilishi toʻgʻrisida tushuntirdik.
Harakatlarimiz izsiz ketmadi. Hozirgi kunlarda 60-65 nafar uyushmagan aholi Oq oltin ovulidagi “Javlonbek-Nasiba” fermer xoʻjaligida paxta yigʻim-terimida qatnashayapti. Ularning har biri kuniga 70-80 kilogrammdan paxta terishib, xoʻjalik xirmoni kun sayin yuksalishiga hissa qoʻshishayapti.
Yillik paxta tayyorlash rejasini ado etish arafasida turgan fermer xoʻjaligida mahallamizdan borgan hasharchilar uchun barcha sharoitlar yaratib berilmoqda. Tushlikda issiq ovqat bilan taʼminlanmoqda. Shuningdek, terim pullari har kuni dala boshida berib borilayotir.
Kuniga 40-50 ming soʻm atrofida terim puli olayotgan hasharchilar oilasiga zarur mablagʻ topayotganidan va tumanimiz paxta xirmoni barvaqt yuksalishiga hissa qoʻshayotganidan xursand.
Bahodir Kazakov,
Doʻstlik MFY masʼul kotibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
