TUMANIMIZDAN ZABARDAST SPORTChILAR YeTIShIB ChIQADI
Istiqlol yillarida mamlakatimizda jismoniy tarbiya va sportni rivojlantirish davlat siyosati darajasiga koʻtarildi. Bu boradagi ishlarni zamon talablari darajasiga koʻtarish maqsadida uch bosqichli sport musobaqalarini oʻtkazish tizimi joriy qilinib, “Umid nihollari”, “Barkamol avlod”, “Universiada” sport musobaqalari tashkil etildi.
Tuman Bolalar-oʻsmirlar sport maktabida sportning 16 turi boʻyicha 1538 nafar oʻgʻil-qizlarimiz sportning oʻzlari qiziqqan turlari bilan muntazam shugʻullanishlari uchun zarur sharoitlar yaratilgan. Ularga 47 nafar tajribali ustozlar taʼlim-tarbiya bermoqdalar. Murabbiylarning 21 nafari oliy, 26 nafari oʻrta maxsus maʼlumotga ega.
Tuman BOʻSMning 3 ta sport bazasi mavjud. 3 ming oʻrinli markaziy oʻyingoh, 850-oʻrinli “Vaxum” stadioni, “Chordara” mahallasida 12x24 bichimdagi zamonaviy sport zali yoshlar ixtiyorida.
Barcha sport inshootlari zamon talablariga toʻliq javob beradigan sport anjomlari, ring, sport trenajyorlari va asbob-uskunalari bilan taʼminlangan.
Bolalar-oʻsmirlar sport maktabidan yetishib chiqqan kurash boʻyicha jahon chempionlari Feruza Haytimbetova, Zulhijja Xudoyorova, Umida Matyoqubova, dzyu-do kurashi boʻyicha Yevropa ochiq chempionati sovrindori Elyor Masharipov, Osiyo chempionati sovrindori Sharofiddin Boltaboyev, boks boʻyicha Filippinda oʻtkazilgan Osiyo chempionati sovrindori Sherzod Qodirboyevlarning izdoshlari yil sayin ortib bormoqda.
Dzyu-do kurashi boʻyicha murabbiy Poʻlat Kumekov, karate-do kurashi boʻyicha murabbiy Ildar Erimmetov, shaxmat sporti murabbiysi Zafar Qurbonov, oʻzbek jang sanʼati boʻyicha murabbiy Murodjon Safarboyev, stol tennisi boʻyicha murabbiylar Xurshid Ismoilov va Fozilbek Eshchonovlarning shogirdlari Oʻzbekiston chempionati sovrindorlaridir.
BOʻSM sportchilari orasida sportning barcha turlari boʻyicha Respublika miqyosidagi musobaqalarning faol ishtirokchilari, gʻoliblari bor.
Bundan tashqari, sportchilarimiz turli xil bayram tantanalarida oʻzlarining chiqishlari bilan xalqimiz olqishlariga sazovor boʻlishmoqda. Maqsadimiz – tumanimiz sportchilari orasidan jahon arenalarida mamlakatimiz bayrogʻini baland koʻtaradigan zabardast sportchi yoshlarni tarbiyalashdir.
Chorsham TAJIMURODOV, tuman Bolalar-oʻsmirlar
sport maktabi direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
