Ovul obodonligi yoʻlida
"Kuyuk koʻpir” ovulida ayni kunda 715 ta xonadonda 4500 nafardan ziyod aholi istiqomat qiladi. Ovul fuqarolar yigʻini tomonidan xonadonlarda sogʻlom turmush tarzining keng targʻib qilish, tibbiy madaniyatni oshirish va shu barobarida aholining turmushini yaxshilash borasida koʻpgina ishlar qilinmoqda.
Aholining turmush farovonligini oshirish haqida gap ketganida, avvalo ularning bandligini taʼminlash lozimligi oʻz-oʻzidan ayon. Axir biror tirikchilik manbaiga ega boʻlmagan oilada toʻkin turmush haqida gap boʻlishi mumkinmi?
Shularni inobatga olgan holda ishga yaroqli fuqarolarning ish bilan bandligini taʼminlashga eʼtibor qaratmoqdamiz. Fuqarolarimizning 2200 nafari iqtisodiyot tarmoqlarida, 5 nafari MMTPda, 650 nafari fermer xoʻjaliklarida, 20 nafari dehqon xoʻjaliklarida, 125 nafari taʼlim, 58 nafari sogʻliqni saqlash, 5 nafari madaniyat muassasalarida, 32 nafari sanoatda, 20 nafari qurilishda va boshqada faoliyat turlari bilan 1285 nafar fuqarolarimiz band. Ishga yaroqli ishsiz 150 nafar fuqarolarimizning ham ish bilan taʼminlanishiga harakat qilayapmiz.
Ovulimizda barcha xonadonlar oʻz tomorqa yerlariga ega boʻlib, oʻzlariga kerakli poliz mahsulotlari va sabzavotlarni yetishtirib, oʻz ehtiyojlaridan ortganini bozorga olib chiqib sotib, yurtdoshlarimiz dasturxonining toʻkin-sochinligiga ham hissa qoʻshishayotir. Barcha xonadonlar oʻz qoramollariga, parrandalariga, qoʻy-echkilariga ega.
Kuyuk koʻpirliklar yil boshidan beri atrof-muhitni obodonlashtirish, koʻkalamzorlashtirish, mevali va manzarali daraxtlar, gullar ekib, chor-atrofni obod va goʻzal maskanga aylantirishga alohida eʼtibor berishayotir. Ayniqsa oila iqtisodini yaxshilashni taʼminlovchi mevali daraxtlarning har bir tomorqada boʻlishini hamda ulardan yuqori hosil olish yoʻl-yoʻriqlarini aholiga keng tushuntirmoqdamiz va ijobiy natijalarga erishayapmiz. Endilikda tomorqa koni foyda ekanligini ular yaxshi anglab yetishayapti. Bizning maqsadimiz ham shu: chor-atrof bogʻ-rogʻlarga burkansin, xonadonlar dasturxoni toʻkin-sochin boʻlsin.
Rashid YeRLAPASOV,
"Kuyuk koʻpir” ovul fuqarolar yigʻini raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
