MOHIR KARATEChILAR

Joriy yilning 13-avgust kuni Jizzax shahrida Jizzax viloyat ochiq kubogi uchun sportning karate turi boʻyicha musobqalar oʻtkazildi. Mazkur musobaqalarda tumanimizdagi Bolalar va oʻsmirlar sport maktabining Karate WKF boʻyicha murabbiyi Adhamjon Ibrohimov 9 nafar shogirdlari bilan ishtirok etdi.

Qizgʻin bahslarda 8-9 yoshli qiz bolalar oʻrtasida 30 kg vazn toifasida Goʻzaloy Ozodboyeva, oʻgʻil bolalar oʻrtasida shu vazn toifasida Diyorbek Bahramov, 10-11 yoshli 35 kg vazn toifasida Musabek Xoʻjaberganov, 12-13 hamda 14-15 yoshli, 40-45 kg vazn toifalarida Otabek Otajonovlar oʻz mahoratlari bilan hakamlar hayʼati tomonidan tengsiz deb topildilar va musobaqaning oltin medali bilan taqdirlandilar.

Shuningdek, Aynura Saparova kumush, Temur Qurbonboyev, Shohruh Qurbonboyev, Artur Qurbonboyevlar bronza medaliga ega boʻldilar.

Kattalar oʻrtasida boʻlib oʻtgan ABS bahslarida Adham Ibrohimov 1-oʻrinni egallab, musobaqaning oltin medali bilan taqdirlandi.

Shunday qilib, umumjamoa hisobida Jizzax viloyati karatechilari 1-oʻrinni, 6 ta oltin medalni yengib olgan amudaryolik sportchilar 2-oʻrinni egalladilar. Gʻolib jamoalar musobaqa kuboklari hamda diplomlar bilan taqdirlandilar.

R.Yoʻldosheva.