KASALNI YaShIRISh EMAS, DAVOLATISh LOZIM
Sil ijtimoiy kasallik boʻlib, uning kelib chiqish sabablari turmush tarzi, tevarak-atrof va boshqa tashqi omillarga bogʻliq.
Sil davosiz dard emas. Kasallikka chalingan odam buni yashirib, oʻzicha dorilar qabul qilib, vaqtini oʻtkazib yurguncha, mutaxassis shifokorga murojaat qilsa, vaqtida toʻla davolansa, kasallik butunlay tuzalib ketishi mumkin.
Afsuski, bu oddiy qoidaga amal qilmaslik natijasida, har kimning oʻz bilganicha davolanib, yashirib yurishi oqibatida kasallikka chalinuvchilar yil sayin koʻpayib borayapti.
Fikrimni raqamlar asosida ifodalaydigan boʻlsam, 2016-yilda 98 nafar, 2017-yilda 111 nafar, joriy yilning 1-choragida esa 33 nafar fuqarolarimizda ushbu kasallik aniqlanib, davolanishga jalb etildi. Albatta bu raqamlar kishini chuqur oʻylantiradi, tashvishlantiradi. Bundan-da ogʻirroq savol ham bor: nega odamlar kasalini yashirib, davolanish vaqtini oʻtkazib yuborishayapti? Nega davolanishga befarq qarashyapti?
Kasalni yashirsang, isitmasi oshkor qiladi deganlariday, sil kasalligini yashirib, mutaxassis boʻlmagan shifokorlardan muolaja olayotganlar sogʻayish oʻrniga dardi ogʻirlashib qolishini, bundan-da ayanchlisi – oila aʼzolariga ham ushbu kasallikni yuqtirish xavfi yuqori boʻlishini hamma fuqarolarimiz yaxshi anglashlarini istar edim.
Davron GULMIRZAYeV, tuman davlat sanitariya-epidemiologiya
nazorati markazi epidemiolog-shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
