DUNYo MATOHLARI IMONDAN AZIZ EMAS

Hayot – bebaho! Tiriklik sahnasida har kim öz xohişiça, salohiyati yetganiça mehnat qilib, heç kimdan kam bölmay yaşagisi keladi, şunga intiladi. Lekin bu dunyo baribir biri kam-da. Rözğor – ğor deganlariday, uni but qilib, endi böldi, deb özimiz haqimizda öylaşga fursat topolmaymiz, hayotdan zavqlanib yaşaşga, soğliğimizni tiklaşga eʼtibor qilmaymiz. Çunki kun sayin uy–rözğor buyumlarining, jihozlarning, mebellarning, kiyim–keçag-u taqinçoqlarning yangisi, davr tili bilan aytganda, “zöri” çiqaveradi. Birovdan oldin, birovdan orqada deganday, “zör”larga intilaveramiz. Jismimizdan quvvat ketib, turli xastaliklar namoyon böla boşlaganida esa afsuski, keç böladi. Soğligimizdan keçib yiqqanlarimizning qadri bir pul ekanligini ana şu vaqtda anglaymiz...

Bu dolğali dunyoda bizning buningdek hayot tarzimizdan farqli kişi tang qolarlik voqea–hodisalar juda köp.

Yer kurrasining qay bir burçagida bir öta boy odam hayotining sönggi lahzalarida butun boyligini umr yöldoşiga – ayoliga emas,itiga meros qilib qoldiribdi, yana birov köp yillar davomida orzu qilganiday it qiyofasiga kiribdi, timsohga uylangan erkak esa özini juda baxtiyor his qilayotganini bildirgan. Bu uning taʼbiriça, odamlarning jonzotlarga mehr-eʼtiborini qaratiş uçun qilgan işi ekan.

Buningdek ajabtovur hangomalarni sanayversak, adoğiga yetolmaymiz. Biroq ijtimoiy tarmoqdagi mahalliy saytlardan birida eʼlon qilingan bir xabar eʼtiborimni tortdi, tortdigina emas, ham hayratlandim, ham ajablandim. Emişki, 16 kişilik stol ötirğiçi bilan 350 mln., şu stolga yaraşa idiş-tovoq 133 mln., tarelka-yu qoşiqlari ham şunga yaraşa, jami esa 483 mln. sömdan ortiq ekan. Albatta, har kimning puli öz çöntagida turadi, qaçon, nima xarid qiliş har kimning öz ixtiyorida. Biroq, şu xabarni öqigan neça odam (ayniqsa, ayollar)ning könglida şu matohlarni xarid qiliş istagi tuğilgan bölsa ajab emas. Açinarlisi,  bunday summadagi xaridlarni halol işlab pul topayotganlar qilişi aqlga siğmaydi. Yana bilmadim. Işqilib, dunyo matohlari yurtdoşlarimizni halol rizq topiş yölidan ozdirmasa böldi.

Axir heç narsa imondan aziz emas, şunday emasmi?..

  Oygul RAJABOVA.