MAHALLAMIZ PAHLAVONLARI

Xalqimiz asrlar davomida asrab-avaylab ardoqlab kelgan kurash musobaqasi mardlar oʻzligini namoyon etadigan, xalqimizning haqiqiy botir va pahlavon oʻgʻlonlari halol kuch sinashadigan vositaga aylanib kelgan.

Mazkur milliy sport turining avlodlar tarbiyasidagi ahamiyati juda katta. Shularni eʼtiborga olib, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika Kengashining 2018-yil 15-maydagi 11–sonli hamda Fuqarolarning oʻzini oʻzi boshqarish organlari faoliyatini muvofiqlashtirish boʻyicha Amudaryo tuman Kengashining 2018-yil 20-maydagi majlis qarorining ijrosini taʼminlash maqsadida hamkor tashkilotlar bilan azaliy qadriyatlarimizdan biri boʻlgan va umuminsoniy qadriyatga aylangan, halollik, bagʻrikenglik, insonparvarlik fazilatlarini oʻzida mujassamlashtirgan oʻzbek kurashini yanada rivojlantirish, milliy sportimiz sanalmish kurashni mahallalarda, aholi va yoshlar oʻrtasida keng targʻib etish va yosh avlodning jismonan baquvvat, mustahkam irodali, har tomonlama yetuk insonlar boʻlishiga sharoit yaratib berish, iqtidorli kurashchilarni aniqlab, ular faoliyatini yoʻlga qoʻyish maqsadida tumanimizdagi 49 ta ovul va mahallalarda boʻlib oʻtgan “Mahallamiz pahlavonlari” sport musobaqasining kurash turi boʻyicha mahallalar aro oʻtkazilgan bosqichida 2004 – 2006-yillar oraligʻida tugʻilgan 46, 50, 55 kg vazndagi oʻgʻil bolalar, 44, 48, 52 kg vazndagi qiz bolalar, jami 285 nafar yoshlar ishtirok etdilar.

Musobaqaning tuman bosqichida qatnashish huquqini qoʻlga kiritgan 8 ta ovul va mahallalardan 10-iyul kuni 15 nafar oʻgʻil va qizlar oʻzaro kuch sinashdilar.

“Mahallamiz pahlavonlari” sport musobaqasining kurash turi boʻyicha oʻgʻil bolalar oʻrtasida  46 kg vaznda Boyovul mahallasidan Rustam Yoʻldoshev  1-oʻrin, Qangli ovulidan Umid Davletbayev 2-oʻrin, Toryop mahallasidan Jahongir Toʻxtasinov 3 –oʻrinni egalladilar, 50 kg vaznda Chordara mahallasidan Shokir Ollamov 1-oʻrin, Qizilcholi mahallasidan Doniyor Yoʻldoshev  2-oʻrin, Qangli ovulidan Doniyor Yolgʻashev 3-oʻrinni egalladilar. 55 kg vaznda Beruniy mahallasidan Jahongir Qozoqbayev 1-oʻrin, Begzod Yegambergenov 2-oʻrin, Ayoqchi mahallasidan Javohir Nurimbetov 3-oʻrin gʻoliblari deb topildilar. Qiz bolalar oʻrtasida 44 kg vaznda Qizilcholi mahallasidan Zumrad Norboyeva 1-oʻrin, 48 kg boʻyicha Qangli ovulidan Dilnura Davletbayeva 1-oʻrinni yengib oldilar.

O.RAJABOVA