QON ZAHIRASI MUHTOJ YuRTDOShLARIMIZGA HAYoT BAXSh ETADI
Hayot tasodiflarga toʻla. Bugun baxtiyor va shoʻx-shodon umrguzaronlik qilayotgan kishi ertaga kimningdir mehriga muhtoj boʻlib qolishi, kimningdir inʼomi bilan hayoti xavfdan xoli boʻlishi mumkin.
Butunjahon Sogʻlikni Saqlash tashkiloti va Xalqaro qizil yarim oy jamiyati federatsiyalari 14-iyun – Butunjahon donorlar kunini “Oʻzgalar haqida oʻylang”, “Qon topshiring –hayot ulashing” shiorlari ostida oʻtkazdi. Bundan koʻzlangan maqsad ham emin-erkin va faol hayot kechirayotgan kishilar tasodifiy va baxtsiz hodisalar tufayli, turli surunkali kasalliklar tufayli qon quyishga muhtoj boʻlib qolganda ularga begʻaraz yordam berishga chorlashdilar.
Shu munosabat bilan 18-iyun kuni tuman Tibbiyot birlashmasida ham Xalqaro donorlar kuni munosib tashkillashtirildi va bunga barcha tibbiyot xodimlari jalb etildi.
Birlashmaning Salomatlik boʻlimi va Qizil yarim oy jamiyati tuman boʻlimi hamkorligida tadbirga katta tayyorgarlik koʻrildi. Begʻaraz donorlikni targʻib qiluvchi “Yashash uchun imkon bering”, “Begʻaraz donorlik”, “Donorlik – savobli va xayrli ish” kabi mavzularda targʻibot ishlari olib borildi, bukletlar tarqatildi. Begʻaraz donorlik tufayli necha-necha yurtdoshlarimizning hayoti saqlab qolinayotganligi, buningdek savobli ishga bel bogʻlayotganlar safi yil sayin koʻpayayotganligi eʼtirof etildi.
Tadbirda koʻp yillardan beri begʻaraz qon topshirib kelayotgan faol donorlardan TTBning reanimatsiya boʻlimi mudiri Sh.Chorshamov, reanimatolog shifokor I.Sariboyev, qon banki shifokori Z.Oʻrozboyev, hamshira M.Shukurillayevalar Qizil yarim oy jamiyati tuman boʻlimi tomonidan qimmatbaho sovgʻalar bilan taqdirlandilar.
Tadbir oʻtkazilgan kun 40 nafardan ziyod donorlar qon topshirishdi, 20 litrdan ziyod qon zahirasi tayyorlandi. Bu zahira qaysidir yurtdoshimizning hayotini saqlab qolishga xizmat qilishi tayin.
O.Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
