Fermerlar koʻproq paxta yetishtirishdan manfaatdor boʻladi
2013-yil 5-avgust kuni Oʻzbekiston Respublikasi Vazirlar Mahkamasining "Davlat ehtiyojlari uchun paxta xom ashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xom ashyosini qayta ishlashdan olingan paxta shroti (kunjarasi) va paxta chigiti sheluxasini sotish tartibi toʻgʻrisidagi nizomni tasdiqlash haqida”gi qarori qabul qilindi.
Oʻzbekiston Respublikasi Prezidentining «Oʻzbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari toʻgʻrisida» 2012-yil 22-oktyabrdagi PF–4478-son Farmonini bajarish yuzasidan hamda paxta xom ashyosi hosildorligini va yetishtirish hajmlarini koʻpaytirishdan fermer xoʻjaliklarining manfaatdorligini oshirish maqsadida qabul qilingan Vazirlar Mahkamasining ushbu qaroriga koʻra, 2013-yil hosilidan boshlab Oʻzbekiston Respublika tovar xom ashyo birjasining ochiq birja savdolarida yem-xashak sotish boʻyicha tuman va viloyat birlashmalari tomonidan xarid qilingan paxta shroti (kunjara) va paxta chigiti sheluxasi ular tomonidan birinchi navbatda davlat ehtiyojlari uchun shartnoma hajmlaridan ortiq paxta xom ashyosi yetkazib berishni taʼminlagan fermer xoʻjaliklariga sotilishi tartibi belgilandi.
Qaror bilan davlat ehtiyojlari uchun paxta xom ashyosini yetkazib berish boʻyicha shartnoma majburiyatlarini bajargan fermer xoʻjaliklariga kontraktatsiya shartnomasidan ortiqcha topshirilgan paxta xom ashyosini qayta ishlashdan olingan paxta shroti (kunjara) va paxta chigiti sheluxasini sotish tartibi toʻgʻrisidagi Nizom tasdiqlandi.
Nizomga muvofiq davlat ehtiyojlari uchun paxta xom ashyosini yetkazib berish boʻyicha shartnoma majburiyatlarini bajargan fermer xoʻjaliklari oʻzlariga moʻljallangan paxta shroti (kunjara) va paxta chigiti sheluxasini umuman Qoraqalpogʻiston Respublikasi, viloyatlar va tumanlar boʻyicha shartnoma majburiyatlari bajarilishidan qatʼiy nazar sotib oladi.
Hisob-kitoblarga koʻra, 1 tonna paxtadan kamida 220 kilogramm paxta shroti va 160 kilogrammpaxta chigiti sheluxasi olinadi. Demak, kontraktatsiya shartnomasidan ortiqcha 50 tonna paxta topshirgan fermer 11 tonna paxta shroti va 8 tonna paxta chigiti sheluxasini olish imkoniyatiga ega boʻladi.
Aytish kerakki, yurtimizda faoliyat yuritayotgan ilgʻor fermerlarni qoʻllab-quvvatlash maqsadida joriy qilingan mazkur tizim kelgusida nafaqat paxta xom ashyosi hosildorligi va ishlab chiqarish hajmlarining oshishiga, balki fermer xoʻjaliklarida chorva ozuqa bazasining mustahkamlanib, chorvachilikning yanada rivojlanishi va qoʻshimcha tarmoq sifatida kengayishiga xizmat qiladi.
Otaxon Qurboniyozov,
xalq deputatlari tuman Kengashi deputati, tuman Fermerlar Kengashi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
