YoSh SPORTChILAR SOVRINLAR BILAN QAYTDI

Fevral oyida Nukus shahrida Olimpiya Zahiralari kollejida dzyudo kurashi boʻyicha ochiq birinchilik musobaqalari oʻtkazildi.

Tumanimizdagi Bolalar-oʻsmirlar sport maktabida dzyudo kurashi boʻyicha shugʻullanayotgan yosh sportchilar ushbu musobaqada ishtirok etib, oʻz kuchlarini sinab koʻrdilar. Qizgʻin oʻtgan musobaqa davomida ustozlari oʻrgatgan usullarni puxta oʻzlashtirgan yosh sportchilar tengdoshlaridan ortda qolmaslikka harakat qildilar.

Dzyudo kurashi usullarini mahorat bilan qoʻllagan yosh sportchilardan R.Soatov 73 kg vazn, A.Soatov 66 kg, J.Qazaqboyev 50 kg vazn toifalarida 1-oʻrinni egallashga muvaffaq boʻldilar. Shuningdek M.Otaxonov, B.Egamberganovlar 55 kg vazn, M.Rajabov 66 kg vazn, M.Oʻrozboyev 73 kg vazn, D.Yuldashev 60 kg vazn toifalarida 2-oʻrin gʻoliblari boʻldilar. Undan tashqari, Sh.Yangiboyeva 44 kg vazn, J.Haytboyev 38 kg vazn, S.Saʼdullayev 50 kg vazn toifalarida 3-oʻrin gʻolibligini qoʻlga kiritdilar.

Sport maktabining karate-do sport turi boʻyicha shugʻullanuvchilari ham Nukus shahrida oʻtkazilgan ushbu tur boʻyicha Qoraqalpogʻiston Chempionati musobaqalarida ishtirok etib, yutuq uchun kurashdilar. Yosh karatechilar ham ustozlarining ishonchini oqlab, faxrli oʻrinlarni egalladilar.

Yosh karatechi sportchilardan O.Otajonov 12-13 yoshlilar oʻrtasida 1-oʻrin, J.Otajonov, K.Jumaboyevlar 14-15 yoshlilar oʻrtasida 2-oʻrinni, S.Yumudboyev, A.Qurbonboyevlar 10-11 yoshlilar oʻrtasida, A.Madaminov, J.Eshimovlar 12-13 yoshlilar oʻrtasida va J.Jumaboyev, D.Yangiboyevlar 14-15 yoshlilar oʻrtasida 3-oʻrinni egallab musobaqa gʻolibiga aylandilar.

Tumanimiz sport maktabi yosh sportchilari musobaqalarda sovrinli oʻrinlar bilan qaytdilar.

O.XUDOYBERGANOVA.