Jayxun ilhomlari
OʻZBEKISTON
Nurli kelajakka yoʻl olgan karvon,
Yoʻling boʻlsin osoyishta va ravon.
Tinchlikni qiroat etadi zabon,
Mangu ertak kabi tilda dostonim –
Jahon ichra buyuk Oʻzbekistonim!
Oltin, kumush, qora oltin koning bor,
Xirmon-xirmon paxta, gʻalla–doning bor.
Dasturxonlar toʻla issiq noning bor,
Mangu ertak kabi tilda dostonim –
Jahon ichra buyuk Oʻzbekistonim!
Toʻmaris-u, Barchinoyday magʻrursan,
Yuraklarda qaddi baland gʻurursan,
Zulmatni yoritgan eng yorugʻ nursan,
Mangu ertak kabi tilda dostonim –
Jahon ichra buyuk Oʻzbekistonim!
Yuksak marralarni koʻzlading, yurtim,
Farovonlik tomon yuzlanding, yurtim,
Ezgu soʻz, ezgu oʻy izlading, yurtim,
Mangu ertak kabi tilda dostonim, -
Jahonni lol etgan Oʻzbekistonim!
Gulmira Rahmatullayeva,
64-sonli maktab oʻquvchisi.
Sizdek inson yoʻqdir, bobojon
Sizdek inson yoʻqdir bobojon, buyuk,
Siz biz uchun doim azizsiz, suyuk.
Berdingiz yurtga yuksak maʼnaviyat,
Huquqiy jamiyat, oliy qadriyat.
Aziz Bobojonim, mingdan-ming rahmat!
Xalq manfaatini oʻylab har doim,
Har gʻarib koʻngilga berdingiz yordam.
Adolat yoʻlini etib bardavom –
Qoldirdingiz bizga mustaqil Vatan.
Aziz Bobojonim, mingdan-ming rahmat!
Endi mustaqilmiz, ravon yoʻlimiz,
Obod boʻlayotir oʻng-u soʻlimiz.
Xalqimiz tinch-totuv, mahalla obod,
Yurt shaʼnin koʻtarar barkamol avlod.
Aziz Bobojonim, mingdan-ming rahmat!
Nursuluv TOʻQLIBOYeVA,
Amudaryo agrobiznes kasb-hunar
kolleji oʻquvchisi, «Yosh muxbirlar» toʻgaragi aʼzosi.
TURNALARNI SOGʻINIB...
Kuz faslida “quv-quv” lab,
Turnalar ketib qoldi.
Mening dilim huvullab,
Xayr-xoʻsh aytib qoldim.
Qay yurtga ketishdilar,
Yurtimdan ketib netar?
Bilsam, qorli qish fasli,
Toʻgʻri kelmaskan asli.
Mayli, omon boʻlinglar,
Issiq yurtga yetinglar.
Fasli bahor kelganda,
Yana qayting, oʻlkamga!
Dilshodbek BIDOShEV, 11-sonli maktab oʻquvchisi.
Qish kechasi
Qish kechasi. Hammayoq oppoq,
Qor tagida qirlar, dalalar.
Hali kechki sovuq tushmayoq
Yaxlab qolar goʻyo havolar.
Koʻkda bedor oy-u yulduzlar,
Qishbobo ham hech uxlay olmas
U tonggacha qishloq aylanib,
Oynalarga gul chizib tolmas.
Sevara Safarboyeva, Amudaryo akademik
litseyi oʻquvchisi.
UNUTMAYMIZ!
Sezilmoqda jahon shodligi,
Farzandlardir Vatan boyligi,
Ulgʻaymoqda koʻp Navoiylar
Ular endi dunyo borligʻi.
Gʻazallari dillarga orom
Ulashadi har bir soniya.
Navoiyga quloq tutinglar,
Yetaklaydi ilm koniga.
Gullar eking, tuproqni oʻpib,
Ilhom berar xushboʻy hidlari
Asrlarni qoldirib ortda,
Kelayapti shoir nomlari.
Sizdir oʻsha tabarruk inson,
Donolarning donosidirsiz
Ruhingiz shod boʻlsin har qachon
Unutmaydi oʻgʻil-qizingiz.
Dildora RAJABOVA,
«Bogʻ» mahallasi.
MIR ALIShER BOBOMLAR
Har bir soʻzi hikmatli,
Hayot yoʻli ibratli.
Har koʻngilga azizlar,
Mir Alisher bobomlar.
Gʻazal mulkin sultoni,
Goʻzal har bir dostoni.
Soʻz aro buyukdirlar,
Mir Alisher bobomlar.
Dunyoga dong taratgan,
“Xamsa”ni u yaratgan.
Qush tilin ham bilganlar,
Mir Alisher bobomlar.
Irodaxon BEKIMBETOVA, 30-maktab oʻquvchisi.
GUL KABI
Bil, Navoiydan bagʻoyat manfaat
Koʻp erur koʻngil qoʻyib uqsang faqat.
Oʻqisam boʻldi dema, takror koʻr,
Yuzaki yuzlanma-chin yuz bor koʻr.
Yod tutib yurgin oʻgit – pandin yaqin,
Qaydadir qaymoq asar andin yaqin.
Hikmatin qalbda avayla mulk kabi,
Joningga jonon aylab gul kabi!
Jumaboy HIDOYaTOV,
«Jayxun ilhomlari» NNT aʼzosi.
TABIATNI ASRAYLIK!
Inson oʻzi shunaqa,
Istaganin bajarar.
Tabiatga gohida,
Hatto ozor yetkazar.
Baʼzilar behudaga,
Daraxtlarni kesadi.
Soʻlim bogʻlar qoʻynida,
Xazonlarni yoqadi.
Bogʻchada va maktabda,
Oʻrgatishar odobni.
Meʼyor bor tabiatda,
Degan ilm-u kitobni.
Qancha koʻp oʻqisa-da,
Ayrimlar hech uqmaydi.
Kuzda, bahor faslida,
Bitta koʻchat ekmaydi.
Axlat tashlar suvlarga,
Uyib qoʻyar yoʻllarga.
Bogʻlarda yoqib xazon,
Zahar sochar dillarga.
Keling, doʻstlar birlashib,
Koʻp-koʻp koʻchat ekaylik.
Aql bilan oʻylashib,
Sof havo yarataylik!
Otanazar AHMEDOV,
64-sonli maktab oʻquvchisi.
Anor
Men anorman, durdona,
Magʻzim toʻq, dona-dona,
Bagʻrim toʻla darmon bor,
Zoʻr mevaman dorivor.
Boshimda bordir tojim,
Misli yoqut marjonim.
Dasturxon ziynatiman,
Bogʻbonning himmatiman.
Shahlo Ibrohimova,
14-sonli maktab oʻquvchisi.
ISLOM BOBOM
Buyuklar ichra buyuk,
Bobomlar ichra suyuk.
Islom bobom qurgan Yurt–
Barcha yurtlardan buyuk.
Suratingiz xonamda,
Boqib turar muloyim.
«Aqlli boʻl, bolam», deb,
Uqtirasiz Siz doim.
Yaxshi oʻqib, bobojon,
Ishonchingiz oqlayman.
Yoʻlimizda zoʻr imkon,
Izlanishdan tolmayman!
Mahliyo BOZORBOYeVA, 78-maktab oʻquvchisi.
UMID
Umidlar koʻksida yuraman uchib,
Orzular osmoni bagʻriga chorlar.
Ishonchlar yelkanin mahkamroq tutib,
Uchaman, yoʻlimda porlar chiroqlar.
Sen menga eslatma oʻtgan kunlarni,
Ortimda qolsin u mudhish tush kabi,
Seni koʻrganimda mudroq hislarni,
Uygʻotib, kel yana navbahor kabi.
Sogʻinchdan soʻz aytsin oʻshanda koʻzlar,
Shirin xotiralar dillarni silab.
Muhabbat shavqidan yashnasin yuzlar
Yaxshilar kelsinlar baxtimiz tilab.
Adolat Sultonova, Melioratsiya va suv xoʻjaligi kasb-hunar kolleji kimyo fani oʻqituvchisi.
TABIATNI ASRAYLIK!
Inson oʻzi shunaqa,
Istaganin bajarar.
Tabiatga gohida,
Hatto ozor yetkazar.
Baʼzilar behudaga,
Daraxtlarni kesadi.
Soʻlim bogʻlar qoʻynida,
Xazonlarni yoqadi.
Bogʻchada va maktabda,
Oʻrgatishar odobni.
Meʼyor bor tabiatda,
Degan ilm-u kitobni.
Qancha koʻp oʻqisa-da,
Ayrimlar hech uqmaydi.
Kuzda, bahor faslida,
Bitta koʻchat ekmaydi.
Axlat tashlar suvlarga,
Uyib qoʻyar yoʻllarga.
Bogʻlarda yoqib xazon,
Zahar sochar dillarga.
Keling, doʻstlar birlashib,
Koʻp-koʻp koʻchat ekaylik.
Aql bilan oʻylashib,
Sof havo yarataylik!
Otanazar AHMEDOV,
64-sonli maktab oʻquvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
