SAYYoP SUDDA QAPZDOPLIKNI UNDIPISh MASALASI KOʻPILDI
Maʼlumki, davlatimizda fuqarolarning qonun bilan belgilangan soliqlar va mahalliy yigʻinlarni toʻlashga majburligi tegishli qonun va hujjatlarda belgilab qoʻyilgan. Agar soliq qarzlari oʻz vaqtida toʻlanmasa, davlat soliq xizmati organlari tomonidan qarzdorligi mavjud boʻlgan soliq toʻlovlarga nisbatan majburiy undiruv choralari koʻriladi. Undan tashqari, muddatida toʻlanmagan soliq qarzdorligi sud tartibda majburiy undiriladi.
7-fevral kuni tuman Davlat Soliq inspektsiyasi binosida tuman Iqtisodiy sudining soliq qarzdorliklarini sud tartibida majburiyundirish maqsadida ochiq, sayyor sud majlisi oʻtkazildi. Sayyor sud majlisida tuman Davlat soliq inspektsiyasi tomonidan kelib tushgan byudjet va byudjetdan tashqari davlat maqsadli jamgʻarmalaridan soliq qarzi mavjud boʻlgan xoʻjalik yurituvchi subʼektlardan soliq qarzdorligini undirish boʻyicha daʼvo arizalari koʻrib chiqildi.
Sud majlisida daʼvogar va javobgarlar vakillaridan tashqari, boshqa xoʻjalik yurituvchi subʼektlar vakillari ham ishtirok etdilar hamda soliq qarzdorligini qarzdorning mol-mulki hisobidan undirish masalasi koʻrildi.
Tuman Iqtisodiy sudining ochiq sud majlisida tuman Davlat Soliq inspektsiyasining byudjet va byudjetdan tashqari davlat maqsadli jamgʻarmalaridan soliq qarzi mavjud boʻlgan xoʻjalik yurituvchi subʼektlardan soliq qarzdorliklarini undirish maqsadidagi 102 ta daʼvo arizasi koʻrib chiqilib, ulardan 11 tasini javobgar qarzdorlikni toʻlaganligi sababli qanoatlantirish rad etildi.
Daʼvo arizalarning 28 tasi javobgar qarzdorlik summasi qisman toʻlaganligi sababli, qisman qanoatlantirildi. Qolgan 63 ta daʼvo ariza toʻliq qanoatlantirilib, qarzdorlikni javobgarlar mol-mulki hisobidan undirishga qaratildi.
Holatlar yuzasidan tuman Iqtisodiy sudining hal qiluv qarori qabul qilindi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
