Sport musobaqalarida gʻoliblar taqdirlandi
Oʻzbekiston Respublikasi Qurolli Kuchlari tashkil etilganining 26-yilligi arafasida Vatan himoyachilari kuniga bagʻishlab, sportning voleybol, arqon tortishish, mini futbol, yugurish, granata uloqtirish, oʻq otish, turnikda tortinish kabi turlari boʻyicha kasb-hunar kollejlari va akademik litsey oʻquvchilari oʻrtasida tuman sport qoʻmitasi tomonidan tashkillashtirilgan katta sport musobaqalari oʻtkazilgan edi. Sport musobaqalarida tumandagi Amudaryo akademik litsey va 8 ta kasb-hunar kollejlari oʻquvchilari faol ishtirok etdilar. Yosh sportchilar chaqqon va abjirliklari bilan boʻlgʻusi Vatan himoyachilari ekanliklarini koʻrsatdilar.
Musobaqada barcha sport turlari boʻyicha gʻoliblar aniqlanib, Vatan himoyachilari kuniga bagʻishlab tuman Madaniyat va aholi dam olish markazida oʻtkazilgan bayram tadbirida taqdirlandi. Jamoa hisobida Amudaryo Melioratsiya va suv xoʻjaligi kollejiga I-oʻrin, Amudaryo Akademik litseyiga II- oʻrin, Mangʻit Iqtisodiyot kollejiga III- oʻrin gʻolibligi berilib, “Faxriy yorliq” va sovgʻalar topshirildi.
Shuningdek, Amudaryo Qishloq va suv xoʻjaligi kasb hunar kolleji oʻquvchilarining futbol jamoasi mini futbol musobaqalarida 1-oʻrinni qoʻlga kiritganligi uchun 1 darajali diplom va sovgʻalarga ega boʻldilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
