DARS SAMARADORLIGI OShADI
Joriy oʻquv yilida xalq
taʼlimi sohasiga tatbiq etilgan "Oʻrgan, oʻrgat” yoʻnalishi doirasida tumanimizdagi
barcha taʼlim muassasalarida turli tadbirlar oʻtkazilmoqda.
Mazkur yoʻnalish
talablarini bajarishda bizning 83-maktab-bogʻcha majmuamizga 56-maktab-bogʻcha majmuasi yondosh taʼlim maskani qilib belgilangan edi. Yoʻnalish talablariga
muvofiq ikkala muassasa hamkorligida yaqinda 83-maktab bogʻcha majmuasida
boʻlib oʻtgan tadbir ham oʻylaymizki, taʼlim samaradorligini oshirishda muhim rol
oʻynaydi. Ikkala maktab-bogʻcha majmuasi rahbarlari hamkorlikda ishlab chiqqan
rejaga muvofiq ingliz tili fani oʻqituvchisi Ibodat Ermetovaning darsi kuzatildi.
Oʻquvchilar dars davomida berilgan mashq-topshiriqlarni yaxshi bajarishib, matnlarni
tarjima qilishdi. Keyingi mashgʻulot "Doʻstlik – buyuk neʼmat” deb nomlanuvchi
tarbiyaviy soat edi. Oʻquvchilar oʻqituvchining doʻstlik qadr-qimmati haqidagi
fikrlarini, doʻstlikka oid hikmatli soʻzlarini qunt bilan tinglagach, shu
mavzu doirasida savol-javoblar orqali
ularning erkin fikrlari tinglandi. Oʻquvchilarga "Doʻstlik bu... deb yozilgan qogʻoz
tarqatildi. Va ushbu soʻzni davom ettirish topshirildi. Ochiq dars kuzatuvchilari
oʻquvchilarning doʻstlik haqidagi fikrlarini oʻqib koʻrishib, bolalarning bu boradagi
mulohazalarini, ochiq-oshkora bayon qila olganliklariga qoyil qolishdi.
Shuni taʼkidlash kerakki,
oʻquvchilarning dunyoqarashini kengaytirishda, fikrlarini erkin ayta olish
qobiliyatini shakllantirishda va koʻproq oʻqib-oʻrganishga ishtiyoq uygʻotishda buningdek
ochiq dars mashgʻulotlarning hissasi katta.
Dilbar REYIMBOYeVA,
83-maktab-bogʻcha majmuasi
direktori oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
