EKOLOGIK TAHDIDLARNING OLDINI OLIShGA QARATILGAN IShLAR SAMARADORLIGI OShIRILMOQDA
Bugungi kunda jahonda jiddiy eʼtibor talab etilayotgan muammolardan biri — ekologik tahdidlar oʻzining globalligi bilan alohida ajralib turadi. Shu bois, mamlakatimizda ham tabiatda yuz berayotgan salbiy jarayonlarni anglagan holda, ularning kelib chiqish sabablarini aniqlab, salbiy holatlarni mumkin qadar bartaraf etish, bu borada aholining xabardorligini oshirish boʻyicha keng koʻlamli ishlar olib borilmoqda.
Xususan, Oʻzbekiston Respublikasi Prezidentining 2025-yil 3-yanvardagi Qarori ijrosini taʼminlash maqsadida Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Amudaryo tumani boʻlimi tomonidan atmosferaning oʻzgarishi tezlashishining oldini olishga qaratilgan keng koʻlamli koʻkalamzorlashtirish ishlari amalga oshirildi.
Boʻlim tomonidan “Atrof-muhitni asrash va yashil iqtisodiyot” yilida qator ishlar amalga oshirildi. Jumladan, “Choykoʻl” ovuli hududida 0.9 gektar maydonda “Yashil bogʻ” tashkil etildi. Amudaryo tumani Obodonlashtirish boshkarmasi va Qipchoq davlat oʻrmon xoʻjaligi tomonidan hududning tabiiy tuproq-iqlim sharoitiga mos koʻchatlar tanlab olinib, tuman boʻyicha 2025-yil davomida “Yashil makon” umummilliy loyihasi doirasida 825 ming tup mevali va manzarali daraxt koʻchatlari ekildi. Ekilgan koʻchatlar parvarishi uchun masʼul tashkilotlar xodimlari biriktirildi.
Ekologiya, atrof-muhitni muhofaza qilish sohasida, muhofaza etiladigan tabiiy hududlar rejimiga rioya etilishi hamda oʻsimlik va hayvonot dunyosini muhofaza qilish boʻyicha davlat ekologik nazoratini amalga oshirish maqsadida 2025-yil davomida bir necha marta tezkor nazorat tadbirlari oʻtkazildi. Tezkor tadbirlar natijasida 123 ta holatda qonunbuzarlik holatlari aniqlanib, fuqaro va mansabdor shaxslarga nisbatan salkam 250 million soʻm miqdorida jarimalar qoʻllanildi.
Boʻlim tomonidan boshoqli don ekinlaridan boʻshagan yer maydonlarida somon poyalarini yoqishning oldini olish boʻyicha fermer xoʻjaliklari rahbarlariga tegishli qonun hujjatlari doirasida ogohlantirish xatlari berilib, tushuntirish-targʻibot ishlari olib borildi.
Boʻlim faoliyatida axborot texnologiyalaridan samarali foydalanilmoqda. Jumladan, Oʻzbekiston Respublikasi Vazirlar Mahkamasining 2024-yil 15-maydagi 282-sonli Qaroriga asosan “YERELEKTRON” avtomatlashtirilgan platformasi orqali jami 10 ta yer uchastkalari boʻyicha yer maydonlari oʻrganib chiqilib, tegishli xulosalar berildi.
“E’TIROF AT” elektron platformasi orqali oʻzboshimchalik bilan qurilgan turar joy imoratlari va mazkur imoratlar hududlaridagi dov-daraxtlarga ham qonun doirasida zarur xulosalar taqdim etilmoqda.
Tashkilotga kelib tushgan murojaatlar atroflicha oʻrganilib, mavjud ekologik muammolar oʻz vaqtida, samarali yechim topishiga erishilmoqda. Bu aholining atrof-muhit muhofazasiga boʻlgan munosabatlari ijobiy tomonga oʻzgarib, ularning ekologik madaniyati oshishiga zamin yaratmoqda.
Rashid Begaliyev, Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Amudaryo tuman boʻlimi boshligʻi.
MAQOLA “JAYXUN ILHOMLARI” NNTNING OʻZBEKISTON RESPUBLIKASI OLIY MAJLISI
HUZURIDAGI FUQAROLIK JAMIYaTI INSTITUTLARINI QOʻLLAB-QUVVATLASh
JAMOAT FONDI TOMONIDAN MOLIYaLAShTIRILGAN
“EKOLOGIK MADANIYaT – SOGʻLOM KELAJAK ASOSI” NOMLI LOYIHASI DOIRASIDA
TAYYoRLANDI VA ChOP QILINDI.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
