JAZIRAMA ISSIQDAN EHTIYoT BOʻLING!
Hududimizda ancha yillardan buyon kuzatilmagan jazirama issiq bu yil aholini ancha shoshirib qoʻydi. Chunki yurtdoshlarimiz koʻp yillardan buyon havo haroratining bunchalik oshganini koʻrishmagan edi.
Bunday paytlarda har birimiz yoz faslining qoidalariga amal qilib, oʻzimizni oftob urishidan yoki bir qancha yozgi kasalliklardan himoya qilishimiz lozim boʻladi.
Jazirama issiq paytida sogʻlik bilan bogʻliq muammo boʻlmasligi uchun chekishdan, spirtli ichimlik ichishdan tiyilish hamda kuchli ovqatlanish va jismoniy harakatni kamaytirish tavsiya etiladi.
Oftob urganda boʻshashish, koʻngil aynishi, bosh aylanishi, qayt qilish, qaltiroq bosishi yoki hushdan ketish holatlari namoyon boʻladi.
Oftob urishining oldini olishda quyidagilarga amal qilishingizni tavsiya etamiz:
- kun qizigan vaqtda quyoshda jismoniy mashgʻulot bajarmaslik;
- havo oʻtkazadigan yupqa, tabiiy matodan boʻlgan kiyim kiyish;
- sovutilgan choy, kvas va mineral suv ichish;
- issiq vaqtda spirtli ichimliklarni isteʼmol qilmaslik.
Oftob urgan bemorni tezda soya yoki salqinga olib boring, unga sovutilgan choy yoki tuz solingan suv ichiring;
- badanni qisib turadigan ust kiyimlarini yechib tashlang;
- uni sinchiklab kuzating, sogʻligining yanada yomonlashuviga yoʻl qoʻymang;
- sovuq suv shimdirilgan matoda badanini artib chiqing, tomoq, boʻyin va gavda qismlariga, bosh tomir oʻtgan joylarga asosiy eʼtibor berish zarur;
- agar muolaja yordam bermasa, tibbiy yordam xizmatini chaqiring.
Oftob urganda jabrlangan insonning nafas olishi toʻxtashi, miokard infarkti boʻlishi mumkin, shu tufayli jonlantirish ishlari (sunʼiy havo yuborish va yurakni massaj qilish)ga ham tayyor boʻlish kerak.
Badanga aslo spirt surtmang, chunki spirt badanning mayda teshiklarini yopib, issiqlikning chiqishini toʻsib qoʻyadi. Jabrlangan odamni sovutilgan suvli vannaga joylashtirmang, chunki vanna koʻkrak qafasining qisilishiga va nafas olish yoʻllarining oʻtkazuvchanligiga taʼsir qiladi.
Choʻmilish havzalari sohilida uzoq muddat turib, birdaniga oʻzingizni suvga tashlasangiz, organizmingizdagi harorat keskin tarzda tushib ketishi natijasida nafas olish ogʻirlashib, yurakning toʻxtab qolishiga olib kelishi mumkin. Shuning uchun suvga tushishdan oldin qoʻl, oyoq, gavda va boshqa aʼzolarni suv bilan artib chiqishni unutmang.
Yozni maroqli oʻtkazing, oʻzingizni asrang!
Toshpoʻlat QOʻChQOROV,
tuman favqulodda vaziyatlar boʻlimi boshligʻi.
Jumaboy YaVQAShEV,
tuman KTMP "Salomatlik” boʻlimi mudiri.
(Foto - http://storage.kun.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
