Bugungi kundagi eng talabgir aktyorlar beshtaligi!
Bugungi kunda oʻzbek kinoindustriyasida eng talabgor aktyorlar beshtaligida Ulugʻbek Qodirov, Alisher Uzoqov, Adiz Rajabov, Jahongir Poziljonov va Umid Iskandarov kabilarni qayd qilish mumkin.
Ular ijro etgan rollar muxlislar tomonidan olqishlar bilan qarshi olinmoqda. Kinosanoatimizda ishlab chiqarilayotgan deyarli har bir filmda ushbu aktyorlarni uchratishimiz odatiy holga aylanib qoldi. Bugungi kunda ularning ijro etgan rollari uchun toʻlanadigan pul miqdori qancha? Oʻtgan hafta "Darakchi” nashri eng talabgor va qimmat aktrisalar reytingini tuzgan edi. Bugun esa myday.uz sayti tomonidan tuzilgan eng talabgor aktyorlar beshtaligi!
Keling ularning gonorarlari haqida soʻz yuritsak. Beshtalikning birinchi pogʻonasini Ulugʻbek Qodirov egallaydi. Qodirovga eng omad keltirgan film - "Telba"dir. 30 yoshli aktyor bitta roli uchun 21-27 mln soʻm haq soʻraydi.
Hozirgi kunda oʻzbek kinosida kamnamo boʻlib qolgan aktyor Alisher Uzoqovning gonorari shu kunlarda 10-13 mln soʻm hisoblanmoqda. Alisher Uzoqov: "Bugungi filmlarning ahvolini qarang!? Men buyogʻiga yilda bir marta film yarataman, biroq rol ijro etmayman! Kinodagi faoliyatimning kelajakdagi kontsepsiyasi faqat shu!” deb taʼkidlaydi, 28 yoshli aktyor. Shunday qilib, u beshtalikning ikkinchi oʻrnida.
Uchinchi oʻrin Adiz Rajabovga tegishli. 28 yoshli aktyorga "Super kelinchak” orqali omad quyoshi kulib boqqandi. Uning gonorari hozirgi kunda bir film uchun 10-13 mln soʻm atrofida. U ijro etgan rol muxlislar qalbidan joy egallashi va filmga muvaffaqiyat keltirishini taʼminlaydi.
Toʻrtinchi oʻrin kimga tegishli boʻlishi mumkin? Ha, toʻgʻri topdingiz. Aktyor, xonanda, rejissyor, prodyuser – 36 yoshli Jahongir Poziljonov. Komik rollarni "qotiradigan” aktyor bitta roli uchun 10mln soʻm dan kam boʻlmagan gonorar soʻraydi.
Eng koʻp suratga tushayotgan aktyor esa, Umid Iskandarov boʻlib, uning gonorari boshqalardan kamroq boʻlganligi uchunmi, shu kunlarda yanada koʻproq filmlarda ishtirok etmoqda. Umid bitta roli uchun 5-8 mln soʻm haq talab etadi. 33 yoshli aktyor beshtalikka yakun yasaydi!
Xulosa tariqasida shuni taʼkidlab oʻtishimiz mumkinki, ushbu professional
aktyorlar tomonidan ijro etilgan rollar filmning muvaffaqiyatli chiqishida
oʻz hissasini qoʻshadi.
(Aktyorlarning gonorarlari rejissyor va prodyuserlardan soʻrovnoma qilingan holda chop etildi.)
(Manba: http://uz24.uz)
(Foto - http://www.celebrities.uz )
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
