XIZMATLARI ELGA MANZUR
Mening yoshim hozir yetmishdan oshdi. 22-yil tuman markaziy shifoxonasida kichik hamshira boʻlib ishlab, nafaqaga chiqqanman.
Yurtimizda keksalarga koʻrsatilayotgan gʻamxoʻrliklardan, hurmat-eʼtibordan koʻnglim togʻday yuksaladi. Buni ayniqsa, baʼzan tobim qochib tuman tibbiyot birlashmasiga borsam, juda chuqur his qilaman. Shifokorlar, hamshiralar qoʻli koʻksida, hol soʻraydi, muolajasi, muomalasi bilan dardimga darmon boʻlishadi.
Men ayniqsa tuman tibbiyot birlashmasining fizioterapiya boʻlimi shifokor-u hamshiralaridan juda minnatdorman. Bu yerda boʻlgan har bir bemor avvalo tinch-osoyishtalikdan, har xil muolajalarni olib boruvchi hamshira qizlarning odob-ikrom bilan xizmat qilishidan juda xursand boʻladi.
Shunday damlarda yaxshi soʻz jon ozigʻi, degan gapning naqadar haqiqat ekanligini anglaysiz.
Men yurtimizning koʻpgina sihatgohlarida boʻlganman. Biroq oʻzimizning tibbiyot birlashmamizdagi fizioterapiya boʻlimi hech qaysi sihatgohnikidan qolishmaydi, deb ishonch bilan ayta olaman. Xalqimiz salomatligi yoʻlida ana shunday ezgu ishlarni amalga oshirayotgan boʻlim bosh shifokori Zulxumor Mamatqulovaga cheksiz minnatdorchilik bildiraman va 8-mart – Xalqaro xotin-qizlar bayrami bilan chin qalbimdan tabriklayman, kelgusi ishlariga omadlar tilayman.
Oʻgʻiljon OʻROZOVA,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
