“Yagona darcha” markazlari: tezkor va qulay!
Davlatimiz tomonidan tadbirkorlik va kichik biznesni rivojlantirish yoʻlidagi byurokratik toʻsiqlarni bartaraf etish, zamonaviy talablarga javob bermaydigan ruxsat berish va litsenziyalash tartib-taomillarini, statistik, moliya va soliq hisobotlarini tubdan qisqartirish, ularni taqdim qilish mexanizmlarini takomillashtirish evaziga qulay ishbilarmonlik muhitini yaratish, ular faoliyatiga keng erkinlik berish chora-tadbirlari izchil amalga oshirilib kelinmoqda.
Oʻzbekiston Respublikasi Prezidentining 2015-yil 28 sentyabrdagi "Tadbirkorlik subʼektlariga "yagona darcha” tamoyili boʻyicha davlat xizmatlari koʻrsatish tartibini yanada takomillashtirish chora-tadbirlari toʻgʻrisida”gi PQ-2412-qaroriga asosan 2016-yilning 1-yanvaridan barcha tuman va shaharlar hududlarida tadbirkorlik subʼektlariga "Yagona darcha” tamoyili boʻyicha davlat xizmatlarini koʻrsatuvchi markazlar oʻz faoliyatini boshladi. Tashkil qilingan "Yagona darcha” markazlari zamonaviy kompyuter va boshqa tashkiliy texnikalar bilan taʼminlandi.
Shuningdek, qaror bilan 2016-yil 1-yanvaridan boshlab faqat «yagona darcha» markazlari orqali koʻrsatiladigan 16 turdagi davlat xizmatlari roʻyxati tasdiqlandi.
Bundan tashqari, Oʻzbekiston Respublikasi Vazirlar Mahkamasining 2015-yil 14-dekabrdagi "Oʻzbekiston Respublikasi Prezidentining "Tadbirkorlik subʼektlariga "Yagona darcha” tamoyili boʻyicha davlat xizmatlari koʻrsatish tartibini yanada takomillashtirish chora-tadbirlari toʻgʻrisida” 2015-yil 28-sentyabrdagi PQ-2412-son Qarorini amalga oshirish chora-tadbirlari haqida”gi 358-son qarori qabul qilindi. Ushbu qarorga asosan tadbirkorlik subʼektlariga «Yagona darcha» tamoyili boʻyicha davlat xizmatlari koʻrsatish yagona markazlari faoliyatini tashkil etish, tadbirkorlik subʼektlariga «Yagona darcha» tamoyili boʻyicha davlat xizmatlari koʻrsatish yagona markazlari orqali davlat xizmatlari koʻrsatish tartibi belgilab berildi.
Shuningdek, «Yagona darcha» markazlari hamda davlat organlari va qonun hujjatlariga muvofiq davlat xizmatlari koʻrsatadigan va davlat xizmatlari koʻrsatish uchun zarur hujjatlar va maʼlumotlarga ega boʻlgan boshqa tashkilotlar oʻrtasida axborotlarni ayir-boshlash idoralararo oʻzaro elektron tarzda hamkorlik qilish tizimi vositasida amalga oshiriladi.
Tadbirkorlik subʼektlariga «Yagona darcha» tamoyili boʻyicha davlat xizmatlari koʻrsatish davlat xizmati pasportiga muvofiq amalga oshiriladi.
Arizachi «Yagona darcha» markaziga davlat xizmati koʻrsatish toʻgʻrisidagi arizani shaxsan yoki pochta aloqasi vositasida beradi. Interaktiv davlat xizmatlari yagona portali orqali berilgan arizalar davlat xizmati koʻrsatadigan tegishli vakolatli organga avtomatik ravishda bevosita yuboriladi.
Oʻzbekiston Respublikasi Prezidentining 2016-yil 5 oktyabrdagi "Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatdan yaxshilashga doir qoʻshimcha chora-tadbirlar toʻgʻrisida”gi PF-4848-son Farmoniga asosan tadbirkorlik subʼektlariga faqat davlat xizmatlari koʻrsatish boʻyicha yagona markazlar orqali «Yagona darcha» tamoyili asosida koʻrsatiladigan davlat xizmatlari roʻyxatini kengaytirish nazarda tutilgan.
Davlatimiz tomonidan tadbirkorlik subʼektlariga yaratilayotgan bu kabi imtiyoz va kafolatlar, shuningdek tadbirkorlik subʼektlarini har taraflama qoʻllab-quvvatlash xalqimizning turmush farovonliginioshirishga xizmat qiladi.
Ye.Dosanov,
Qoraqalpogʻiston Respublikasi Adliya vazirligi masʼul xodimi.
(Foto - http://poytaxt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
