Odam savdosi – asr muammosi
Jahon tsivilizatsiyasi tezkor rivojlanishi natijasida mamlakatlararo migratsiya jarayonlari birmuncha faollashdi, fuqarolarning mehnat qilish, taʼlim olish, turizm va shu kabi turli maqsadlarda boshqa davlatlarga chiqishi, shuningdek, turli sohalarda erkin faoliyat olib borishi uchun imkoniyatlar yanada kengaydi.
Buning natijasida ijobiy oʻzgarishlar bilan bir qatorda, afsuski, ayrim transmilliy jinoyatlarning soni koʻpayib borayotganligi ham sir emas. Ona tilimizga, milliyligimizga mutlaqo yot boʻlgan "odam savdosi”, deb atalmish ana shunday transmilliy jinoyat yurtimizni ham chetlab oʻtmadi. Hozirgi vaqtda koʻpgina yoshlar, ayollar, voyaga yetmagan qizlar odam savdosi qurboniga aylanmoqda.
Odam savdosiga qarshi kurashishda aholi, ayniqsa yoshlar oʻrtasida ushbu illatning xavfli oqibatlari haqida tushuntirish ishlarini olib borish, fuqarolarni mavjud holatdan ogoh etish muhim ahamiyat kasb etadi.
Tuman hokimligi huzuridagi Odam savdosiga qarshi kurashish boʻyicha Idoralararo tuman komissiyasi odam savdosi jinoyatining oldini olish bilan bir qatorda odam savdosidan jabr koʻrgan fuqarolarga amaliy yordam koʻrsatish, fuqarolarning bandligini taʼminlash ishlarini olib boradi.
Komissiyaning tahliliga koʻra, oʻtgan davr mobaynida odam savdosi bilan bogʻliq jinoyatlarning aksariyati tumanning Mangʻit shahri, Toʻlqin, Doʻrman, Qilichboy ovullari hududlarida sodir qilinganligiga eʼtibor qaratilib, ushbu hududlarda odam savdosiga qarshi kurashishga qaratilgan banner-stendlar oʻrnatildi va 12 ta ovul va mahalla fuqarolar yigʻinlari odam savdosiga qarshi kurashishga aholi eʼtiborini qaratish maqsadida koʻrgazmali qurollar bilan taʼminlandi.
2013-yil 1-may holatiga Odam savdosiga qarshi kurashish boʻyicha Idoralararo tuman komissiyasi tuzilganidan beri 5090 nafar fuqaro xorijiy davlatlarga borib kelgan. Ularning barchasi tuman tibbiyot birlashmasida tibbiy koʻrikdan oʻtkazilib, flyurografiyaga tushirildi, OITS va RV analizlari 100 foiz tekshirildi, 449 nafar fuqaroda kasallik aniqlanib, ularning barchasiga ambulator va statsionar sharoitda tibbiy yordam koʻrsatildi.
94 nafar fuqaro jabrlanuvchi deb topilgan. Shulardan 1 nafari sil, 1 nafari OITS kasalligiga chalingani aniqlangan.
Tumanda jami chet elga chiqib ketgan 5285 nafar fuqarodan 1189 nafari ayollardir. Chet eldan qaytib kelgan 5090 nafar fuqaroning esa 1062 nafarini ayollar tashkil qiladi.
Xorijiy davlatlarga chiqib, qaytib kelgan fuqaroning monitoringini yuritish, shuningdek, OIV va jinsiy yoʻl bilan yuqadigan turli kasalliklarning oldini olish borasida tuman tibbiyot birlashmasi qoshida "OIV-OITS va giyohvandlik”, "Jinsiy aloqa yoʻli bilan yuqadigan infektsiyalar” haqida bepul maslahatlar beruvchi "IShONCh XONASI” tashkil etilgan va chet davlatlardan qaytib kelgan har bir fuqaroning tibbiy koʻrikdan oʻtishi va bepul maslahatlar olishiga amaliy yordam koʻrsatish yoʻlga qoʻyilgan.
Mansur MATYuSUPOV,
tuman
hokimligi huquqshunosi,
hokimlik huzuridagi odam savdosiga qarshi kurashish komissiyasi kotibi.
(Foto - http://www.12news.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
