Одам савдоси – аср муаммоси
Жаҳон цивилизацияси тезкор ривожланиши натижасида мамлакатлараро миграция жараёнлари бирмунча фаоллашди, фуқароларнинг меҳнат қилиш, таълим олиш, туризм ва шу каби турли мақсадларда бошқа давлатларга чиқиши, шунингдек, турли соҳаларда эркин фаолият олиб бориши учун имкониятлар янада кенгайди.
Бунинг натижасида ижобий ўзгаришлар билан бир қаторда, афсуски, айрим трансмиллий жиноятларнинг сони кўпайиб бораётганлиги ҳам сир эмас. Она тилимизга, миллийлигимизга мутлақо ёт бўлган "одам савдоси”, деб аталмиш ана шундай трансмиллий жиноят юртимизни ҳам четлаб ўтмади. Ҳозирги вақтда кўпгина ёшлар, аёллар, вояга етмаган қизлар одам савдоси қурбонига айланмоқда.
Одам савдосига қарши курашишда аҳоли, айниқса ёшлар ўртасида ушбу иллатнинг хавфли оқибатлари ҳақида тушунтириш ишларини олиб бориш, фуқароларни мавжуд ҳолатдан огоҳ этиш муҳим аҳамият касб этади.
Туман ҳокимлиги ҳузуридаги Одам савдосига қарши курашиш бўйича Идоралараро туман комиссияси одам савдоси жиноятининг олдини олиш билан бир қаторда одам савдосидан жабр кўрган фуқароларга амалий ёрдам кўрсатиш, фуқароларнинг бандлигини таъминлаш ишларини олиб боради.
Комиссиянинг таҳлилига кўра, ўтган давр мобайнида одам савдоси билан боғлиқ жиноятларнинг аксарияти туманнинг Манғит шаҳри, Тўлқин, Дўрман, Қиличбой овуллари ҳудудларида содир қилинганлигига эътибор қаратилиб, ушбу ҳудудларда одам савдосига қарши курашишга қаратилган баннер-стендлар ўрнатилди ва 12 та овул ва маҳалла фуқаролар йиғинлари одам савдосига қарши курашишга аҳоли эътиборини қаратиш мақсадида кўргазмали қуроллар билан таъминланди.
2013 йил 1 май ҳолатига Одам савдосига қарши курашиш бўйича Идоралараро туман комиссияси тузилганидан бери 5090 нафар фуқаро хорижий давлатларга бориб келган. Уларнинг барчаси туман тиббиёт бирлашмасида тиббий кўрикдан ўтказилиб, флюрографияга туширилди, ОИТС ва RV анализлари 100 фоиз текширилди, 449 нафар фуқарода касаллик аниқланиб, уларнинг барчасига амбулатор ва стационар шароитда тиббий ёрдам кўрсатилди.
94 нафар фуқаро жабрланувчи деб топилган. Шулардан 1 нафари сил, 1 нафари ОИТС касаллигига чалингани аниқланган.
Туманда жами чет элга чиқиб кетган 5285 нафар фуқародан 1189 нафари аёллардир. Чет элдан қайтиб келган 5090 нафар фуқаронинг эса 1062 нафарини аёллар ташкил қилади.
Хорижий давлатларга чиқиб, қайтиб келган фуқаронинг мониторингини юритиш, шунингдек, ОИВ ва жинсий йўл билан юқадиган турли касалликларнинг олдини олиш борасида туман тиббиёт бирлашмаси қошида "ОИВ-ОИТС ва гиёҳвандлик”, "Жинсий алоқа йўли билан юқадиган инфекциялар” ҳақида бепул маслаҳатлар берувчи "ИШОНЧ ХОНАСИ” ташкил этилган ва чет давлатлардан қайтиб келган ҳар бир фуқаронинг тиббий кўрикдан ўтиши ва бепул маслаҳатлар олишига амалий ёрдам кўрсатиш йўлга қўйилган.
Мансур МАТЮСУПОВ,
туман
ҳокимлиги ҳуқуқшуноси,
ҳокимлик ҳузуридаги одам савдосига қарши курашиш комиссияси котиби.
(Фото - http://www.12news.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
