QISQA SATRLARDA
Taʼlim muassasalari rahbarlarining navbatdan tashqari yigʻilishi
25-fevral kuni tuman xalq taʼlimi muassasalari faoliyatini metodik taʼminlash va tashkil etish boʻlimiga qarashli taʼlim muassasalari rahbarlarining navbatdan tashqari yigʻilishi boʻlib oʻtdi.
Yigʻilishda tuman hokimligi, hokimlik huzuridagi voyaga yetmaganlar komissiyasi va tuman prokuraturasi xodimlari, umumtaʼlim maktablari direktorlari, maktabgacha va maktabdan tashqari taʼlim muassasalari rahbarlari qatnashdilar.
Yigʻilish kun tartibida taʼlim muassasalarida korruptsiya holatlarining oldini olish, voyaga yetmaganlar oʻrtasida jinoyatchilik va huquqbuzarlik holatlari kelib chiqish sabablari va ularning oldini olish masalalari muhokama qilindi.
Kun tartibidagi masala yuzasidan tuman prokuraturasi tergovchisi Hamza Quryazov soʻzga chiqdi va yosh avlodni tarbiyalash jarayonida Oʻzbekiston Respublikasining taʼlimga oid qonunlari ijrosi soʻzsiz bajarilishini taʼminlash zarurligi, bu borada maktabgacha taʼlim muassasalarirahbarlari va pedagogik jamoaning zimmasida katta javobgarchilik turganligi haqida alohida toʻxtalib oʻtdi.
Yigʻilishda koʻrilgan masalalar boʻyicha tegishli qarorlar qabul qilinib, amalga oshirilishi lozim boʻlgan ustuvor vazifalar belgilab olindi.
Tejamkor texnologiyalar – amaliyotga
26-fevral kuni Qipchoq ovulidagi "Tursunboyeva Umida” fermer xoʻjaligida suv resurslaridan oqilona foydalanish va qishloq xoʻjaligi ekinlarini egiluvchan quvurlar yordamida sugʻorish texnologiyasini joriy qilish boʻyicha koʻrgazmali seminar oʻtkazildi.
Maʼlumki, global iqlim oʻzgarishlari tufayli suv taqchilligi sharoitida qishloq xoʻjaligi ekinlaridan yuqori hosil olish va aholini oziq-ovqat mahsulotlari bilan barqaror taʼminlash uchun mavjud suv resurslaridan samarali foydalanish va sugʻorishning tejamkor texnologiyalarini keng joriy qilish muhim ahamiyatga ega. Prezidentimizning 2013-yil 19-apreldagi "2013-2017-yillar davrida sugʻoriladigan yerlarning meliorativ holatini yanada yaxshilash va suv resurslaridan oqilona foydalanish chora-tadbirlari toʻgʻrisida”gi qarori bu borada muhim dasturilamal boʻlmoqda.
Seminarda yer maydonlarini egiluvchan quvurlar yordamida sugʻorishning afzalliklari, bu borada eʼtibor berilishi lozim boʻlgan muhim jihatlar xususida maʼlumotlar berildi. Ushbu masala boʻyicha fermerlar oʻzlarini qiziqtirgan savollarga soha mutaxassislaridan tegishli javoblar oldilar.
Umumtaʼlim maktablari xodimlari uchun seminar
26-fevral kuni tuman hokimligi va xotin qizlar qoʻmitasi tomonidan xalq taʼlimi muassasalari faoliyatini metodik taʼminlash va tashkil etish boʻlimi bilan hamkorlikda umumtaʼlim maktablari xodimlari uchun seminar tashkil qilindi.
Umumtaʼlim maktablari direktorlarining maʼnaviyat va maʼrifat ishlari boʻyicha oʻrinbosarlari, maktab ruhshunoslari, maktablardagi xotin-qizlar va yoshlar tashkilotlarining boshlangʻich boʻgʻinlari rahbarlari ishtirok etgan seminar kun tartibida oʻquvchi qizlarning reproduktiv salomatligini mustahkamlash, ularni har tomonlama rivojlangan avlodni dunyoga keltirish va tarbiyalashga masʼul shaxslar qilib voyaga yetkazish, yoshlar, ayniqsa qizlar orasida erta turmush qurish va oʻz joniga qasd qilish kabi illatlarning oldini olish masalalarida maʼruzalar tinglandi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
