SALOMATLIK HAFTALIGI OʻTKAZILMOQDA
Vitaminlar yuksak darajadagi faol biologik moddalar boʻlib, ularni isteʼmol qilish butun tananing muvofiq va uygʻun ishlashini taʼminlab beradi va inson hayoti davomida tanadagi modda almashuvining koʻplab bosqichlarini tartibga soluvchi ferment tizimlari va garmonlarining majburiy komponentlari, toʻqima gormonlari sintezi uchun birlamchi material hisoblanadi. Shuningdek aqliy va jismoniy qobiliyati, tananing tashqi muhit, jumladan, infektsiyalar va toksinlar harakatining noqulay omillari taʼsiriga chidamlilik darajasini oshiradi.
Shu boisdan ham 2002-yildan beri har olti oyda bir marta 6 oylikdan 59 oylikkacha boʻlgan bolalarni "A” vitamini bilan milliy emlash amalga oshirilmoqda.
Oʻzbekiston Respublikasi, Qoraqalpogʻiston Respublikasi Sogʻlikni saqlash vazirliklarining maxsus buyruqlari va tuman tibbiyot birlashmasining 2015-yil 12 dekabrdagi 67-1-sonli buyrugʻiga asosan 14-dekabrdan 19-dekabrgacha "Salomatlik haftaligi” oʻtkazilmoqda. Haftalik ish rejasida tumandagi 16400 nafar 6 oylikdan 59 oylikkacha boʻlgan bolalarga "A” vitaminini ichirish ham koʻzda tutilgan. Mazkur tadbirni toʻla oʻtkazish chora-tadbirlari koʻrilib, hozir muvaffaqiyatli amalga oshirilmoqda.
Ota-onalar farzandlarini oʻz hududlaridagi tibbiyot muassasalariga olib borib, tadbirning oʻz vaqtida va sifatli oʻtkazilishiga hissa qoʻshsalar, maqsadga muvofiq boʻlar edi.
Gulshod YuSUPOVA,
tuman tibbiyot birlashmasi bosh pediatri.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
